Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 UYINMWẸ ỌGHE IMA NE IVBIOTU E KRISTI

Vbọ Re Ahoẹmwọmwa Ọghe Ẹmwata?

Vbọ Re Ahoẹmwọmwa Ọghe Ẹmwata?

Emwi ne Jehova mwẹ vbe ekhọe vbe ọ mu orọnmwẹ gbọ, ọre ne okpia vbe okhuo rọnmwẹ egbe sẹ ota. (Gẹn 2:22-24) Ọ ma khẹke ne ọdọ vbe amwẹ sọ ebe orọnmwẹ vbe ẹi re te ọkpa vbe iran fi owẹ ye oha. (Mal 2:16; Mat 19:9) Ne Jehova na hoo ne avbe odọ vbe amwẹ gha mwẹ oghọghọ, ẹre ọ zẹ ne ọ na kpemehe avbe ilele nọ gha ru iyobọ ne Ivbiotu e Kristi, ne iran ya gua zẹ ne egbe iran, ne iran mieke na gha mwẹ oghọghọ vbe orọnmwẹ ọghe iran.—Asan 5:4-6.

UGBẸNVBE U GHEE ẸRE KE OWA RRE NẸ IGHẸ NE VIDIO VBỌ RE AHOẸMWỌMWA ỌGHE ẸMWATA?, ZẸ EWANNIẸN YE AVBE INỌTA NA:

  • Vbọzẹe ne adia ne Ọtẹn Nokpia Frank kevbe amwẹ ọnrẹn ighẹ e Bonnie rhie ne ovbi iran ighẹ e Liz na re nọ maan?

  • Vbọsiẹ nọ ma na khẹke ne u gha roro ẹre wẹẹ, u gha sẹtin fi uyinmwẹ ọmwa ne uwa gba si egbe obọ werriẹ?

  • De ibude ne Ọtẹn Nokpia Paul kevbe amwẹ ọnrẹn ighẹ e Priscilla rhie ne Liz?

  • Vbọsiẹ ne ọlọghọmwa na gha rre orọnmwẹ ọghe Zach vbe Megan?

  • De evbakọnrẹn ọghe orhiọn ne John vbe Liz ghaa mwẹ?

  • Vbọzẹe ne ọ na khẹke na gele rẹn ‘aro ọmwa’ ne a gba si egbe obọ, a ke ru orọnmwẹ? (1 Pit 3:4)

  • Vbọ re ahoẹmwọmwa ọghe ẹmwata? (1 Kọr 13:4-8)