Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 5

Vbene A Ya Tie Ebe Ẹse

Vbene A Ya Tie Ebe Ẹse

1 Timoti 4:13

UHUNMWU ẸMWẸ: U ghaa tie ebe, u ghi tiẹre zẹvbe na wa ya gbẹn ọnrẹn zẹẹ.

VBENE A YA RU ẸRE HẸ:

  • Ruẹ ọre yotọ ẹsẹsẹmwẹse. Muẹn roro evbọzẹe ne a na gbẹn ẹmwẹ nii. Ruẹ vbene a ya tie ifiẹmwẹ kugbe hẹ, ẹi re na wa gha tie dọmwadẹ ẹmwẹ kẹkan. Gbaro kotọ ne u ghẹ rhie ẹmwẹ ba re. Ghẹ rhie aro gberra ẹmwẹ rhọkpa, ghẹ vbe fi ẹmwẹ rhọkpa werriẹ. Gbaro kotọ vbe dọmwadẹ ehe na sẹ ama yi.

  • Tie dọmwadẹ ẹmwẹ vbe odẹ nọ gbae. Deghẹ ẹmwẹ eso rrọọ ne u ma rẹn vbene a ya tae hẹ, u ya ghee ebe nọ rhan otọ emwi. U sẹtin vbe danmwehọ e rrẹkọdi ọghe ebe nii, ra u sẹtin tie ọmwa nọ gua tie ebe nọ ru iyobọ nuẹ.

  • Gha guan vbe odẹ nọ rriẹ. Gbaro kotọ vbe u ghaa tie ebe, tọn uhunmwu mu, u ghi vbe rhan unu rua ẹse. Hia ne u gha tie dọmwadẹ ẹmwẹ ọkade ọkade.