Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 20

Odẹ Nọ Khẹke Na Ya Mu Ẹmwẹ Sẹ Ufomwẹ

Odẹ Nọ Khẹke Na Ya Mu Ẹmwẹ Sẹ Ufomwẹ

Asan-Ibo 12:13, 14

UHUNMWU ẸMWẸ: Vbe ẹmwẹ ne u khian ya mu ọta ruẹ sẹ ufomwẹ, nianiaẹn ma emwa ne u gu guan ẹsẹsẹmwẹse, ne iran miẹn ọnrẹn yi ighẹ ẹmwẹ ne u ta kevbe ne iran yae ru emwi.

VBENE A YA RU ẸRE HẸ:

  • Gi ẹmwẹ ne u khian ta ya mu ẹmwẹ ruẹ sẹ ufomwẹ dekaan uhunmwuta ọghe ọta ruẹ. Werriegbe sunu yi avbe olika ẹmwẹ kevbe uhunmwuta ọghuẹ.

  • Ta ẹmwẹ nọ gha gua emwa ni danmwehọ ruẹ kpa. Tama emwa ni danmwehọ ruẹ emwi nọ khẹke ne iran ru, kevbe ere ne iran gha miẹn deghẹ iran na ru vberriọ. Guan vbe odẹ nọ rhiẹre ma wẹẹ ẹmwẹ nii mu ruẹ orhiọn kevbe wẹẹ, ọ ru ekpataki.

  • Gi ẹmwẹ nokiekie ọghuẹ ye kuẹi, ọ vbe ye khuẹrhẹ. Ẹi re ẹghẹ na ẹre u khian ya rhie olika ẹmwẹ ọghe ọgbọn ladian. Vbe ufomwẹ ọghe ọta ruẹ, loo ifiẹmwẹ ni ma bun gbe ya rhie igiọdu ne emwa ne u gu guan, ne iran ya ẹmwẹ ne u tae ru emwi.