Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 2

Vbene A Ya Guan Hẹ

Vbene A Ya Guan Hẹ

2 Kọrinti 2:17

UHUNMWU ẸMWẸ: Guan vbe odẹ ọghe abiọmwabiẹ, ne u mieke na rhiẹre ma wẹẹ ẹmwẹ ne u ta mu ruẹ ekhọe, kevbe wẹẹ u mwẹ ẹmwẹ iran ni danmwehọ ruẹ vbe orhiọn.

VBENE A YA RU ẸRE HẸ:

  • Fẹko muegbe yotọ. U ghi na erhunmwu u ke suẹn. Muẹn ye erhunmwu ne u sẹtin rhie aro tua ẹmwẹ ne u khian ta, ne u ghẹ rhie aro tua egbuẹ. Kọe ye ekhọe ighẹ uhunmwu ẹmwẹ ne u hoo ne u rhie ladian. Loo ẹmwẹ obọ ruẹ, ẹi re ne u wa gha tie ẹre ladian zẹvbe nọ wa ya rre ebe.

  • Gi ẹmwẹ ne u ta gha re nọ gele ke ekhọe rre. Muẹn roro vbene ẹmwẹ ne u khian ta, khian ya ru iyobọ ne emwa ne u gu guan hẹ. Rhie aro tua iran. Ẹghẹ nii, vbene u ya mudia, vbene u ya gbekhakha kevbe ugbaro ruẹ ghi rhiẹre ma wẹẹ u gele mwẹ ẹkorhiẹnrhiẹnmwẹ daa emwa ne u gu guan.

  • Gha ghee aro emwa ne u guan. Gha ghee aro ọghe emwa ne u gu guan vbe ẹghẹ hia deghẹ ọ ma de emwi nọ rhia vbe ẹvbo ne u ye. Adeghẹ u na gha ya ọta guan, gha ghee aro ọghe orhunmwu ọkpọkpa vbe uwu ẹbu, ẹi re ne u gha ghee emwa hia lẹga.