Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 14

Rhie Uhunmwu Ẹmwẹ Nọ Rrọọ Ladian

Rhie Uhunmwu Ẹmwẹ Nọ Rrọọ Ladian

Hibru 8:1

UHUNMWU ẸMWẸ: Rhie ekhọe ọghe emwa ne u gu guan ghee ẹmwẹ ne u ta, gi ẹre dewuarorua vbene dọmwadẹ uhunmwu ẹmwẹ ya dekaan emwi ne u hoo ne u rhie ladian kevbe uhunmwuta ne u guan yan.

VBENE A YA RU ẸRE HẸ:

  • Ọ khẹke ne u rẹn emwi ne u khian ya ọta ruẹ fiangbua. Muẹn roro deghẹ ẹmwẹ ayahọmwaehọ ẹre ọta ruẹ khin, deghẹ ọta na ya rhie ilẹkẹtin ne ọmwa nọ, ra na ya gu ọmwa kpa. U ghi kọ ọna ye orhiọn zẹvbe ne u ya muegbe ẹre. U ghi hia ne u loo uhunmwu ẹmwẹ hia nọ rre ọta ruẹ ya sẹ ekhọe ọghe emwa ne u gu guan.

  • Niania uhunmwuta ọghe ọta ruẹ. Ke omuhẹn ọghe ọta ruẹ ya sẹ ufomwẹ ọnrẹn, wa gha sunu yi avbe ifiẹmwẹ ne kpataki ni rre ọta ruẹ, ne u ya gha rhie emwa ekhọe ghee uhunmwuta ọghe ọta ruẹ.

  • Rhie uhunmwu ẹmwẹ ọghuẹ ladian vbe odẹ nọ dewuarorua kevbe ne khuẹrhẹ. Avbe olika ẹmwẹ nọ dekaan uhunmwuta ọghuẹ, ne u gha sẹtin rhan otọre vbuwe ẹghẹ na rhie nuẹ, ẹre ọ khẹke ne u guan yan. Ghẹ gi olika ẹmwẹ ni rrọọ bun gbe. U gha sunu ye olika ẹmwẹ ọkpa, u ghi gbamẹ sawọn u ke sunu ye nọ lelẹe. Ọ khẹke nọ rriẹ, ighẹ odẹ ne u khian ya rhilo olika ẹmwẹ ọkpa ginna nọ lelẹe.