Gha Mwẹ Alaghodaro Vbe Odẹ Ne U Ya Tie Ebe Kevbe Odẹ Ne U Ya Maa Emwa Emwi

A keghi gbẹn ebe ẹmu na, na ya ru iyobọ nuẹn, ne u mieke na sẹtin gha mwẹ alaghodaro vbe odẹ ne u ya tie ebe vbe idagbo, odẹ ne u ya guan kevbe odẹ ne u ya maa emwa emwi.

E Lẹta Ne Ẹbu Nọ Su Gbẹn Rre

Uhunmwu nọ ghi ru ekpataki sẹ ẹre Osanobua gie ima ẹre ne ima ya tama emwa.

IRUẸMWI 1

Omuso Nọ Dagbẹn

Emwi eha ne ọmwa gha sẹtin fiangbua deghẹ omuso ọghẹe na dagbẹn.

IRUẸMWI 2

Vbene A Ya Guan Hẹ

Odẹ ne u ya guan ẹre ọ khian gua emwa ne u gu guan kpa, ne iran ya miẹn ẹmwẹ ne u ta yi.

IRUẸMWI 3

Vbene A Ya Nọ Ọta Hẹ

Gha ya ẹwaẹn nọ ọta, ne emwa mieke na danmwehọ, ne u mieke na sẹtin gu emwa ne u gu guan ziro, kevbe ne u mieke na sẹtin niania avbe uhunmwu ẹmwẹ ne kpataki.

IRUẸMWI 4

Emwi Nọ Khẹke Ne U Ru U Ke Tie Evbagbẹn Nọhuanrẹn

Ebe ẹmu na gha ru iyobọ nuẹ ya rẹn vbene u khian ya rhie ekhọe ọghe emwa ni danmwehọ ruẹ ghee ako evbagbẹn nọhuanrẹn ne u khian tie.

IRUẸMWI 5

Vbene A Ya Tie Ebe Ẹse

Odẹ ọkpa ne kpataki ne ima ya ru iyobọ ne emwa ya gha mwẹ irẹnmwi ọghe Jehova ọre na gha tie ebe ẹse.

IRUẸMWI 6

Rhan Otọ Emwi Ne Evbagbẹn Nọhuanrẹn Nu Tiere Demu

Ru iyobọ ne emwa ni danmwehọ ruẹ, ne iran ya rẹn vbene evbagbẹn nọhuanrẹn ne u tiere ya dekaan uhunmwu ẹmwẹ ne u hoo ne u rhie ladian.

IRUẸMWI 7

Ẹmwẹ Nọ Gbae Kevbe Nọ Mu Ọmwa Ekhọe

Ẹmwẹ nọ gbae kevbe ẹmwẹ nọ mu ọmwa ekhọe keghi ru iyobọ ne emwa ni danmwehọ ruẹ ya miẹn ẹmwata nọ rrọọ.

IRUẸMWI 8

Loo Igiemwi Ya Maa Emwa Emwi

Gha mwẹ alaghodaro vbe odẹ ne u ya maa emwa emwi lekpae ne u gha loo igiemwi ne ẹi lọghọ na rẹn otọre, ne emwa gha mwẹ ẹkorhiẹnrhiẹnmwẹ yi kevbe nọ gha rhie uhunmwu ẹmwẹ nọ rrọọ ladian.

IRUẸMWI 9

Vbene A Ya Loo Avbe Efoto Kevbe Isama Hẹ

Gha loo efoto kevbe isama rhunmwuda, ọ gha ru iyobọ ne emwa ne u gu guan ya rẹn otọ uhunmwu ẹmwẹ ọghe ọta ruẹ kevbe ne iran yee ẹre rre.

IRUẸMWI 10

Gha Fi Urhu Werriẹ

Gha khirhi ẹmwẹ, gha fẹko nana ẹmwẹ vbe ẹghẹ nọ khẹke, u vbe gha vbuọ urhu vbe odẹ ughughan ne emwa mieke na rẹn ototọ ẹmwẹ na ta, ọ ghi vbe gua emwa na gu guan kpa ne iran ya zẹ emwi ru.

IRUẸMWI 11

Oyaya

Adeghẹ u na gha ya oyaya guan, ọ ghi vbe ya emwa ne u gu guan rẹn wẹẹ ẹmwẹ ne u ta mu ruẹ ekhọe, rhunmwuda ọni, iran ghi gha hoo ne iran danmwehọ ruẹ.

IRUẸMWI 12

Ẹnina Kevbe Amuroro

Adeghẹ u na gha mwẹ ẹnina kevbe amuroro, emwa ne u gu guan ghi rẹn wẹẹ u mwẹ ẹmwẹ iran vbe ekhọe.

IRUẸMWI 13

Gi Emwi Ne U Hoo Ne U Rhie Ladian Dewuarorua

Rhan otọre ma emwa ni danmwehọ ruẹ vbene ẹmwẹ ne u guan kaan ya dekaan arrọọ ọghe iran hẹ. Khama iran vbene iran khian ya rhie emwi ne iran ruẹ re ye uyinmwẹ hẹ.

IRUẸMWI 14

Rhie Uhunmwu Ẹmwẹ Nọ Rrọọ Ladian

Rhie ekhọe ọghe emwa ne u gu guan ghee ẹmwẹ ne u ta, gi ẹre dewuarorua vbene dọmwadẹ uhunmwu ẹmwẹ ya dekaan emwi ne u hoo ne u rhie ladian kevbe uhunmwuta ne u guan yan.

IRUẸMWI 15

Ẹmwẹ Na Si Agbada Vbe Unu Ta

Gha si agbada vbe unu guan. Rhiẹre ma wẹẹ ẹmwẹ ne u ta keghi re nọ ru ekpataki kevbe wẹẹ ẹmwata ẹre nọ.

IRUẸMWI 16

Gha Rhie Igiọdu Ne Emwa Kevbe Ne U Gha Mwẹ Ayayẹro

Gha ta ẹmwẹ nọ rhie igiọdu ne ọmwa, ẹi re ẹmwẹ nọ gbe orhiọn ye ọmwa iwu. Rhie emwa ekhọe ghee Ẹmwẹ Ọghe Osanobua nọ vuọn ne ẹmwata nọ mu ọmwa orhiọn sotọ.

IRUẸMWI 17

Ọ Khẹke Ne Emwa Rẹn Otọ Ẹmwẹ Ne U Ta

Ru iyobọ ne emwa ni danmwehọ ruẹ ne iran rẹn otọ evbọ demu ighẹ ẹmwẹ ne u ta. Rhie olika ẹmwẹ ni rre ẹmwẹ ruẹ ladian vbe odẹ nọ dewuarorua.

IRUẸMWI 18

Ọ Khẹke Ne A Miẹn Emwi Ruẹ Vbe Ọta Ruẹ

Ta ẹmwẹ nọ gha gua iziro ọghe emwa ni danmwehọ ruẹ kpa, ne iran mieke na miẹn emwi kpataki ruẹ.

IRUẸMWI 19

Hia Ne U Sẹ Ekhọe Ọghe Emwa Ne U Gu Guan

Ru iyobọ ne iran, ne iran sẹtin hoẹmwẹ Osanobua kevbe Ẹmwẹ ọghẹe nọ re Baibol.

IRUẸMWI 20

Odẹ Nọ Khẹke Na Ya Mu Ẹmwẹ Sẹ Ufomwẹ

U gha mu ẹmwẹ ruẹ sẹ ufomwẹ vbe odẹ nọ khẹke, emwa ne u gu guan ghi miẹn ọnrẹn yi ighẹ ẹmwẹ ne u ta, iran ghi vbe yae ru emwi.

Vbene U He Mwẹ Alaghodaro Sẹ Hẹ

Gbẹnnẹ vbene u he mwẹ alaghodaro sẹ hẹ, ne u mieke rẹn ako ne u khian winna yan vbe odẹ ne u ya tie ebe kevbe odẹ ne u ya maa emwa emwi.