Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso

Omuso

OSA NE UDAZI ẹre ọ Kha Yan agbọn vbe ẹrinmwi. Arrọọ ọghomwa vbe ẹghẹ na kevbe nọ dee vbe odaro keghi rre ọre obọ. Ọ mwẹ ẹtin na ya san ọmwa ẹse kevbe na ya rri ọmwa oya. Ẹtin ọghẹe ẹre ọ ya yi arrọọ ọghomwa, ọ gha vbe sẹtin miẹn ima re. Ma ghaa mwẹ akueyi ọghẹe, emwi ghi dunna ne ima; deghẹ ẹi re erriọ, ọni ọre ọghe ima fo. U miẹn vbe nọ ru ekpataki sẹ hẹ ne ugamwẹ ọghe ima gha re nọ miẹn yi!

Ugamwẹ ughughan ẹre a miẹn. Ugamwẹ ghaa yevbe odẹ, odẹ ugamwẹ hia ẹre ọ mwẹ akueyi ọghe Osanobua ra? Hiehie. Jesu ne akhasẹ ọghe Osanobua khare wẹẹ, odẹ eva kẹkan ẹre ọ rrọọ. Ọ keghi kha wẹẹ: ‘Odẹ nọ vbẹe gbodoo ẹre ọ su rrie ọfuan, emwa nibun ẹre ọ bi lae; sokpan te ọnurho arrọọ ye wẹnrẹn, odẹ na la sọe ma vbe rriẹ, ibozẹghẹ emwa ẹre ọ lae.’—Matiu 7:13, 14.

Ugamwẹ eva kẹkan ẹre ọ rrọọ: ọkpa su rrie arrọọ vbene nọkpa na su rrie ọfuan. Evba gu gbẹn ebe ẹmu na ọre nọ ru iyobọ nuẹ ya rẹn odẹ nọ su rrie arrọọ ọghe etẹbitẹ.