Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 9

Omuso Ọghe Abọ 9

Abọ na keghi guan kaan ibiẹka, avbe akhasẹ kevbe avbe ọba ni rhiẹre ma wẹẹ iran mwẹ amuẹtinyan nọ wegbe dae Jehova. Ọ ghaa mwẹ ọvbokhan okhuo ọkpa ne Ovbi Izrẹl, ne ọ ghaa rre otọ e Siria, nọ ghaa mwẹ amuẹtinyan wẹẹ akhasẹ ọghe Jehova gha sẹtin mu e Neaman egbe rran. Akhasẹ Elaisia ghaa mwẹ ilẹkẹtin wẹẹ, e Jehova gha sẹtin miẹn irẹn fan vbe obọ eghian irẹn. Ogiohẹn ighe Jehoiada keghi mu arrọọ ọghẹe ye ikpadede nọ mieke na miẹn e Jehoas fan vbe obọ iyẹe nọkhua ighẹ Atalaia. Ọba e Hẹzekaia ma gi ohan Ivbi Asiria muẹn, rhunmwuda ne ọ na mu ẹtin yan e Jehova. Ọba e Josaia keghi guọghọ ẹbọ hia ni rre otọ e Juda rua, ọ na vbe dọlegbe mu ugamwẹ ẹmwata gbọ.

VBE AKO NA

IRUẸMWI 51

Ọkaokuo Ọkpa Kevbe Ọvbokhan Okhuo Ọkpa

Ọvbokhan okhuo ọkpa ne Ovbi Izrẹl keghi tama ọmwa nọ gue vbe ọguọmwadia, vbekpa ẹtin ọghe Jehova​—⁠ọ keghi wa biẹ ọmọ esi.

IRUẸMWI 52

Ivbi Iyokuo Ọghe Jehova Nọ Gborrirri

Vbene ọguọmwadia Elaisia do ya rẹn wẹẹ ‘emwa ni rre ima iyeke ẹre ọ bun sẹ ọghe iran.’

IRUẸMWI 53

Udinmwẹ Ọghe Jehoiada

Ohẹn nọ mwẹ amuẹtinyan keghi gu oloi dan suan.

IRUẸMWI 54

E Jehova Kegha Mwẹ Ẹbo Izinegbe Vbe Egbe Jona

Vbọsiẹ ne a na miẹn wẹẹ ehẹn do mi akhasẹ ọghe Osanobua ọkpa re? Vbe ọ ghi ya miẹn uhunmwu hẹ? De emwi ne Jehova ghi ya ọna ma re?

IRUẸMWI 55

Odibo Ọghe Jehova Keghi Gbogba Ga E Hẹzekaia

Avbe eghian ọghe Juda keghi kha wẹẹ e Jehova i khian sẹtin gbogba ga emwa rẹn, sokpan ohoghe ẹre iran tae!

IRUẸMWI 56

E Josaia Keghi Hoẹmwẹ Uhi Ọghe Osanobua

Ukpo erẹnrẹn ẹre Josaia ghaa ye vbe ọ rri ọba, ọ na vbe ru iyobọ ne emwa rẹn ya ga e Jehova.