Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 8

Omuso Ọghe Abọ 8

Te Jehova wa ya ẹwaẹn we Sọlomọn ẹsẹsẹmwẹse. E Sọlomọn ẹre Jehova loo ro ya bọ ọgua Osa. Sokpan vbene ẹghẹ ya khian, ọ keghi mianmian e Jehova. Adeghẹ evbibiẹ ọmọ ẹre u khin, ru iyobọ ne ovbuẹ, ne ọ ya rẹn vbene emwa igẹbọ ne Sọlomọn ghaa gu muobọ ya ye Sọlomọn sẹ e Jehova rae hẹ. Vbe iyeke ọni, Osanobua keghi ghae arriọba ọghe Ivbi Izrẹl ye ihe eva. Avbe ọba dan ni ghaa kha vbe otọ Izrẹl, keghi si Ivbi Izrẹl la ugamwẹ igẹbọ. Vbe ẹghẹ na kha na, a kegha zẹ avbe akhasẹ ọghe Jehova kpokpo vbene a na vbe gbele eso rua. Oloi e Jezibẹl keghi ya emwa ni rre odẹ okuọ vbe agbẹnvbo Izrẹl khian emwa igẹbọ. Ẹghẹ nọ wegbe kankankan ẹre ọna wa gha khin vbe otọ Izrẹl.  Sokpan emwa eso ye gha rrọọ ni ghaa ya ekhọe hia ga e Jehova. Usun iran ọre Ọba e Jehosiafat kevbe akhasẹ Elaija.

VBE AKO NA

IRUẸMWI 44

Ọgua Osa Ne Sọlomọn Bọ

Osanobua keghi họn erhunmwu ọghe Ọba e Sọlomọn, ẹre ọ na vbe fiangbe ẹre ẹsẹsẹmwẹse.

IRUẸMWI 45

A Ghae Ne Arriọba Ye Ihe Eva

Ivbi Izrẹl nibun ma ghi gha ga e Jehova.

IRUẸMWI 46

Emwi Nọ Sunu Vbe Uhunmwu Oke Kamẹl

Gha re Osa ọghe ẹmwata? E Jehova nọ ra, ra e Bel?

IRUẸMWI 47

E Jehova Rhie Igiọdu Ne Elaija

Uwẹ yayi wẹẹ e Jehova gha vbe ru iyobọ nuẹ ra?

IRUẸMWI 48

Ovbi Okhuo Nọ Dẹgbẹ Rhiọkpaegbe

Emwi ọyunnuan eva sunu vbe owa ọkpa!

IRUẸMWI 49

Osanobua Keghi Rri Oloi Dan Oya

E Jezibẹl keghi so uma gbe Nabọt rua nọ mieke na mu ugbo emwiokọ ọghẹe! E Jehova wa bẹghe emwi dan nọ ghaa ru.

IRUẸMWI 50

E Jehova Keghi Gbinna Ne Jehosiafat

E Jehosiafat ne ọba nọ maan keghi na erhunmwu gie Osanobua vbe ẹghẹ ne agbẹnvbo ni lẹga iran ya mu okuo rre.