Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 6

Omuso Ọghe Abọ 6

Ivbi Izrẹl ghi sẹ Otọ Na Yan Rẹn nẹ, ibọkpọ ẹre iran ghi gha loo ya ga e Jehova. Avbe ohẹn na gha maa emwa uhi, avbe ọbuohiẹn na gha dia emwa. Abọ na keghi niania vbene atamuolọyan ne ima ru ya dekaan emwa ọvbehe hẹ. Emwi ne Ivbi Izrẹl rhirhi ru kegha mwẹ vbene ọ ya dekaan e Jehova hẹ kevbe ogieva iran. U ghi niania vbene igiemwi ọghe Debora, e Naomi, e Jọsua, e Hanna, ovbi e Jẹfta, kevbe Samuẹl ya ru iyobọ ne emwa ni ghaa rre ẹdogbo ne iran ye hẹ. U ghi vbe nianiaẹn wẹẹ, emwa eso ni ma gha re Ivbi Izrẹl, keghi do yegbe ba iran rhunmwuda ne iran na rẹn wẹẹ, e Jehova gu Ivbi Izrẹl rrọọ. Usun iran na ọre Rehab, e Rut, e Jaẹl, kevbe Ivbi e Gibiọn.

VBE AKO NA

IRUẸMWI 29

E Jehova Zẹ E Jọsua

Osanobua keghi rhie adia ne Jọsua, adia vberriọ gha vbe sẹtin ru iyobọ ne ima vbe ẹdẹnẹrẹ.

IRUẸMWI 30

E Rehab Viọ Emwa Ni Do Ba Otọ Ghee Lẹre

Agharhemiẹn wẹẹ ogba ekẹn ọghe Jẹriko ẹre owa e Rehab ghaa ye, ọ na ye mudia vbe ẹghẹ ne ekẹn ni rre Jẹriko ya gha dele.

IRUẸMWI 31

E Jọsua Kevbe Ivbi e Gibiọn

E Jọsua keghi na erhunmwu gie Osanobua wẹẹ: “Owẹn, mudia hii!” Osanobua họn erhunmwu nii ra?

IRUẸMWI 32

Ọkalotu Ọghe Ọgbọn Kevbe Ikhuo Eva Ni Mwẹ Udinmwẹ

Vbe Jọsua ghi wu nẹ, Ivbi Izrẹl na suẹn gha ga ẹbọ. Emwi kegha baa so iran, sokpan Osanobua keghi ru iyobọ ne iran lekpae Barak ne ọbuohiẹn, e Dẹbora ne akhasẹ kevbe Jaẹl!

IRUẸMWI 33

E Rut Vbe Naomi

Ikhuo eva ni dẹgbẹe keghi werriegbe gha rrie otọ Izrẹl. Ọkpa vbe ikhuo na, na tie ẹre Rut keghi ya winna vbe ugbo ọghe Boaz, evba ẹre Boaz na miẹn ọnrẹn.

IRUẸMWI 34

E Gidiọn Keghi Khọn Miotọ Yan Ivbi E Midian

Vbe Ivbi e Midian ghi zẹ ya agbọn lọghọ Ivbi Izrẹl, iran keghi rinmwia e Jehova nọ bu iran rre. De vbene ivbi iyokuo nekherhe ọghe Gidiọn ya khọn miotọ yan ivbi iyokuo 135,000 hẹ?

IRUẸMWI 35

Hanna Keghi Na Erhunmwu Ne Osanobua Rhie Ọmọ Okpia Ne Irẹn

Elkana keghi viọ ẹgbẹe ọre gha rrie ibọkpọ nọ rre Siailo ne iran ya ga Osanobua. Evba ẹre Hanna na na erhunmwu gie Osanobua nọ rhie ọmọ okpia ne irẹn. Vbe ọ ma he sẹ ukpo ọkpa, Hanna keghi biẹ e Samuẹl!

IRUẸMWI 36

Eyan Ne Jẹfta Ru

De eyan ne Jẹfta ru kevbe de emwi nọ yae ru eyan nii? De emwi ne ovbi e Jẹfta nokhuo ru vbe ọ ghi rẹn vbekpae eyan ne erhae ru?

IRUẸMWI 37

E Jehova Keghi Gu E Samuẹl Guan

Ivbi Elai eva kegha ga zẹvbe ohẹn vbe ibọkpọ ọghe ugamwẹ, sokpan iran ma gha lele uhi ọghe Jehova. E Samuẹl ne ovbi ọvbokhan kherhe wa lughaẹn ne iran, ẹre Jehova na guẹ guan.

IRUẸMWI 38

E Jehova Keghi Ya E Samsin Wegbe

Osanobua keghi ya e Samsin wegbe nọ mieke na gu Ivbi e Filistin khọn, sokpan vbe ẹghẹ ne Samsin ghi ya ru atamuolọyan nọ ma khẹke, obọ Ivbi e Filistin keghi vba re.