Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 4

Omuso Ọghe Abọ 4

Abọ na keghi guan kaan e Josẹf, e Job, e Mosis kevbe Ivbi Izrẹl. Iran na zin egbe ọlọghọmwa nibun vbe obọ Esu. Nibun keghi werriẹ aro dae agbọmwa ekueku, a mu eso ye eghan, a ya eso khian eviẹn, eso vbe gha rrọọ ne emwa iran wulo. Vbọrhirhighayehẹ, odẹ ughughan ẹre Jehova ya gbogba ga iran. Adeghẹ evbibiẹ ọmọ ẹre u khin, ru iyobọ ne ovbuẹ ya rẹn vbene eguọmwadia e Jehova ni werriẹ aro daa avbe ọlọghọmwa vberriọ, ya zin egbe hẹ vbene iran na ye da imudiase ọghe iran yi.

E Jehova keghi ruẹ ne Orueghe Igbe dekun Ivbi Igipt ne ọ ya rhiẹre ma wẹẹ irẹn mwẹ ẹtin sẹ ẹbọ hia ni rre otọ ọghe Igipt. Ru iyobọ ne ovbuẹ,  ne ọ ya rẹn vbene Jehova ya gbogba ga emwa rẹn hẹ vbe ẹghẹ nọ gberra kevbe vbene Jehova ya gbogba ga ima hẹ vbe ẹdẹnẹrẹ.

VBE AKO NA

IRUẸMWI 14

Ọviẹn Nọ Họn Ẹmwẹ Ne Osanobua

E Josẹf ma ru emwi dan, sokpan ọ na rrioya ọghe ọhannabe. Vbọsiẹ?

IRUẸMWI 15

E Jehova Ma Mianmian E Josẹf

Agharhemiẹn wẹẹ ẹgbẹe Josẹf ma gha rre eke nọ ye, Osanobua ma sẹrae.

IRUẸMWI 16

Gha Re Job?

Ọ họn ẹmwẹ ne Jehova agharhemiẹn wẹẹ emwi ma gha khuẹrhẹ nẹ.

IRUẸMWI 17

E Mosis Zẹ E Jehova Zẹvbe Osa Ọghẹe

Iye Mosis keghi ya ẹwaẹn miẹn e Mosis fan vbe ẹghẹ ne ọ na gha re ọmobọ.

IRUẸMWI 18

Oha Ne Erhẹn Ghaa Ye

Vbọsiẹ ne erhẹn nii ma na giẹn oha rua?

IRUẸMWI 19

Orueghe Nokaro Ya Sẹ Nogie Eha

E Fero ẹre ọ ya obọre si orueghe nọ dekun emwa rẹn rhunmwuda itengbemu ọghẹe.

IRUẸMWI 20

Orueghe Nogienẹ Ya Sẹ Nogie Ihinrin

De vbene orueghe na ya lughaen ne orueghe nokaro ya sẹ nogieha?

IRUẸMWI 21

Orueghe Nogie Igbe

Orueghe na wegbe sẹrriọ wẹẹ e Fero nọ te wẹẹ irẹn wegbe na ghi wẹẹ ne Ivbi Izrẹl gha rrie.

IRUẸMWI 22

Emwi Ọyunnuan Nọ Sunu Vbe Okun Nọ Baa

E Fero miẹn uhunmwu vbe orueghe igbe nọ sunu vbe Igipt, sokpan ọ ye sẹtin miẹn uhunmwu vbe Okun Nọ Baa ra?