Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 8

Ebraham Vbe Sera Keghi Họn Ẹmwẹ Ne Osanobua

Ebraham Vbe Sera Keghi Họn Ẹmwẹ Ne Osanobua

Ọ mwẹ ẹvbo ọkpa na ghaa tie ẹre Ọọ (Ur). Ẹvbo na keghi sikẹ e Babẹl kevbe wẹẹ emwa ni rre ẹvbo na i ga e Jehova. Sokpan ọ ghaa mwẹ okpia ọkpa vbe Ọọ nọ ghaa ga e Jehova. Eni okpia na ọre Ebraham.

E Jehova keghi tama Ebraham wẹẹ: ‘Kpa vbe ẹvbo ne u ye, ne u sẹ emwa ruẹ rae gha rrie ẹvbo ne I gha ma ruẹ re.’ Vbe iyeke ọni, Osanobua keghi yan rẹn wẹẹ: ‘U gha khian agbẹnvbo nọkhua, I gha fiangbe emwa nibun vbe uhunmwu otagbọn hia rhunmwuda ruẹ.’

Agharhemiẹn wẹẹ Ebraham ma rẹn eke ne Jehova wẹẹ ne ọ gha rrie, ọ na ye mu ẹtin yan e Jehova. Rhunmwuda ọni, Ebraham vbe ọvbokhan rẹn ighẹ e Sera, erha Ebraham ighẹ e Tẹra, kevbe ovbi ọtiọnrẹn ighẹ e Lọt keghi kun ihẹ kpa gha rrie ẹvbo ne Osanobua wẹẹ ne iran gha rrie.

 Ukpo 75 ẹre Ebraham ghaa ye vbe irẹn vbe ẹgbẹe ọre sẹ ẹvbo ne Jehova wẹẹ ne iran gha rrie. Eni ẹvbo nii ọre Kena. Osanobua keghi ru eyan na ma Ebraham vbe evba wẹẹ: ‘I gha mu otọ na hia ne u bẹghe na, ne ivbuẹ.’ Na kha na, Ebraham vbe ọvbokhan rẹn ighẹ e Sera khian ọmaẹn nẹ vbene iran ma na he biẹ. De vbene eyan ọghe Jehova khian ghi ya mwẹ amusẹ hẹ?

“Iyayi ọre ọ ye Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹẹ, irẹn gha rhie nẹẹn. Irẹn keghi kpao vbe ẹvbo irẹn rre, vbe ne ọ ma na rẹn ehe ne ọ rrie.”—Hibru 11:8