Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 IRUẸMWI 4

Ohu Dan Nọ Muẹn Keghi Yae Do Izigha

Ohu Dan Nọ Muẹn Keghi Yae Do Izigha

Vbe Adam vbe Ivi ghi kpa hin ogba ọghe Idẹni rre nẹ, iran na do biẹlẹ emọ nibun. Ovbi iran ne ọdiọn ighẹ e Keni na gha re ọgbugbo vbene ovbi iran nukpogieva ighẹ Ebẹl na gha re ọsuohuan.

Ẹdẹ ọkpa ghi rre, e Keni vbe Ebẹl na do ru izọese gie Jehova. Uwẹ rẹn emwi nọ re izọese ra? Ọ keghi re ẹse ne kpataki. E Jehova keghi miẹn izọese ọghe Ebẹl yi, sokpan ọ ma miẹn ọghe Keni yi. Ohu na do gha mu e Keni. E Jehova keghi ya obọ sekhae nẹ wẹẹ ohu dan nọ muẹn gha yae ru emwi nọ wegbe. Sokpan e Keni ma họn.

Nọghayayerriọ, e Keni na tama Ebẹl wẹẹ: ‘Do lele mwẹ gha rrie ugbo.’ Vbe iran eveva ghi sẹ ugbo, e Keni na gbe ovbi iyẹe rua. Vbe uwẹ a yayi wẹẹ e Jehova khian ru e Keni hẹ? E Jehova  keghi rri e Keni oya, ọ na khu ẹre gha rrie ẹvbo nọ rree. E Keni i khian ghi sẹtin werriegbe bu ẹgbẹe ọre gha dee.

De emwi ne ima miẹn ruẹ vbe ọna? Ohu sẹtin gha mu ima deghẹ emwi eso ma na sunu vbene ima te roro ẹre yi. Adeghẹ ima na bẹghe ẹre wẹẹ ohu mu ima—ra emwa ọvbehe na gi ima rẹn wẹẹ ọmwa ne ohu mu ẹre ima khin—ọ khẹke ne ima rherhe winna yan rẹn na ghẹ do miẹn wẹẹ ọviẹn ọghe ohu ẹre ima ghi khin.

Rhunmwuda ne Ebẹl na hoẹmwẹ e Jehova kevbe ne ọ na gha ru emwi esi, e Jehova i khian mianmiaẹn. Osanobua gha huẹn ọnrẹn kpaegbe vbe ẹghẹ ne ọ khian ya ye uhunmwu otagbọn na khian e paradais.

“Wẹ vbe ọtuẹn ka ya dọlọ nẹ, u kegha dee do yo imuohan ruẹn gie Osanobua.”—Matiu 5:24