Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 2

Omuso Ọghe Abọ 2

Vbọsiẹ ne Jehova na ya amẹ guọghọ uhunmwu otagbọn vbe ẹghẹ nii? Vbe Osanobua da yi emwa nagbọn, emwa keghi wannọ egbe ye ihe eva​—emwa ni ru emwi esi kevbe emwa ni ru emwi dan. Emwa vbe na ghee Adam, Ivi kevbe ovbi iran ighẹ e Keni na gha rre obọ ọghe emwa dan. Ibozẹghẹ emwa vbe na ghee Ebẹl kevbe Noa ẹre ọ ghaa ru emwi esi. Vbene emwa ghi ru emwi dan sẹ vbe ẹghẹ nii, e Jehova na guọghọ iran rua. Abọ na gha ru iyobọ ne ima ya rẹn wẹẹ e Jehova keghi rẹn emwi nọ rre ima ekhọe, deghẹ ima hoo ne ima ru emwi esi ra emwi dan, kevbe wẹẹ irẹn i khian kue ne emwi dan ke ukhunmwu ne emwi esi.

VBE AKO NA

IRUẸMWI 3

Adam Vbe Ivi Keghi He Ẹmwẹ Ye Osanobua Obọ

Vbọ ya ọmọ erhan ọkpa nọ ghaa rre ogba ọghe Idẹni lughaen ne nikẹre? Vbọsiẹ ne Ivi na rri ọmọ erhan nii?

IRUẸMWI 4

Ohu Dan Nọ Muẹn Keghi Yae Do Izigha

Izọese ọghe Ebẹl ẹre Osanobua miẹn yi, ẹi re ọghe Keni. Ọna keghi ya ohu mu e Keni sẹrriọ wẹẹ, ọ na ru emwi nọ wegbe.

IRUẸMWI 5

Okọ Ọghe Noa

Vbe ẹghẹ ne avbe odibosa dan ya ke ẹrinmwi rre do gha rhie ikhuo zẹvbe amwẹ, iran na biẹlẹ avbe arhuan. Olighi na gba ehe hia. Sokpan e Noa keghi lughaẹn​—⁠irẹn keghi hoẹmwẹ Osanobua, ọ na vbe họn ẹmwẹ nẹ.

IRUẸMWI 6

Orhunmwu Erẹnrẹn Keghi Miẹn Fan La Agbọn Ọgbọn

Amẹ nii keghi rrọọ vbe ikpẹdẹ 40 kevbe asọn 40. Ọ gberra ukpo ọkpa ne Noa vbe ẹgbẹe ọre ya gha rre uwu okọ nii. Vbe okiekie, iran na do ladian.