Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 10

Omuso Ọghe Abọ 10

Ke etẹbitẹ ya sẹ etẹghori, e Jehova ọre Ọba nọ khaevbisẹ yan uhunmwu otagbọn hia. Vbe igiemwi, irẹn keghi miẹn e Jerimaia fan vbe ẹghẹ ne iran khian te ya gbe ẹre rua. Ọ miẹn e Siẹdrak, e Mesiak kevbe Abẹdnigo fan vbe uwu erhẹn, ọ na vbe miẹn e Daniẹl fan vbe uvun oduma. E Jehova keghi gbogba ga Ẹsta nọ mieke na miẹn emwa rẹn fan. Irẹn i khian zinegbe ne emwi dan gha rrọọ vbe etẹbitẹ. Ẹmwẹ akhasẹ nọ dekaan amazẹ nọkhua kevbe okperhan nọ tan sẹ iso keghi suigiẹ yọ wẹẹ Arriọba Osanobua gha rherhe wabọ emwi dan rua vbe uhunmwu otagbọn na, kevbe wẹẹ ọ ghi gha khaevbisẹ yan otagbọn hia.

VBE AKO NA

IRUẸMWI 57

E Jehova Gie Jerimaia Ne Ọ Ya Kporhu

Ediọn ọghe Juda keghi mu ohu ye ẹmwẹ ne Jerimaia khare.

IRUẸMWI 58

A Guọghọ E Jerusalẹm Rua

E Jehova keghi fi iyeke gbe Ivbi e Juda rhunmwuda ne iran ma na dobọ uyinmwẹ igẹbọ ọghe iran yi.

IRUẸMWI 59

Ibiẹka Ikpia Enẹ Ni Họn Ẹmwẹ Ne Jehova

Ivbi e Juda ni re igbama keghi ta muolọ yan rẹn wẹẹ te iran khian sikan mu e Jehova uhiẹn vbe iran rre ẹguae Babilọn.

IRUẸMWI 60

Arriọba Nọ Khian Gha Rrọọ Vbe Ẹdẹdẹmwẹdẹ

E Daniẹl keghi rhan otọ imina nọ gbe orrirri, ne Nebukiadnẹza minaẹn.

IRUẸMWI 61

Iran Ma Gbe Uhunmwu Kotọ

Siẹdrak, Mesiak kevbe Abẹdnigo wẹẹ iran i khian gbe uhunmwu kotọ rre ne amazẹ igoru ọghe Nebukiadnẹza.

IRUẸMWI 62

Arriọba Nọ Yevbe Okperhan

Imina ne Nebukiadnẹza minaẹn keghi dekaan vbene odaro ọghẹe khian gha ye hẹ.

IRUẸMWI 63

Evba Gbẹnnẹ Ye Egbe Ekẹn

De ẹghẹ ne evba gbẹnnẹ na, na ma rẹn otọre, ya ladian kevbe de emwi nọ demu?

IRUẸMWI 64

E Daniẹl Rre Uvun Oduma

Gha na erhunmwu gie Jehova vbe ẹdẹgbegbe vbene Daniẹl ru ẹre!

IRUẸMWI 65

Ẹsta Miẹn Emwa Rẹn Fan

Agharhemiẹn wẹẹ ọrriọvbe ghaa nọ vbe otọ e Pẹsia, Ẹsta ne udefiagbọn na do khian oloi.

IRUẸMWI 66

Ẹzra Keghi Ma Emwa Uhi Ọghe Osanobua

Vbe Ivbi Izrẹl ghi danmwehọ Ẹzra nẹ, iran keghi ru eyan kpataki ma Osanobua.

IRUẸMWI 67

Ogba Ekẹn Ọghe Jerusalẹm

Vbọsiẹ ne ohan ma na mu e Nehimaia vbe ọ ghi họn wẹẹ eghian ru emwamwa ne iran khian ya do gu iran khọn?