Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

Omuso Ọghe Abọ 1

Omuso Ọghe Abọ 1

Ebe Gẹnẹsis keghi guan kaẹn vbene Osanobua ya yi emwi hia ne mose mose ni rre agbọn kevbe ẹrinmwi. Adeghẹ evbibiẹ ọmọ ẹre u khin, ru iyobọ ne ovbuẹ ya rẹn emwi ughughan ne Osanobua yi. U ghi gi ẹre rẹn wẹẹ te Osanobua yi emwa nagbọn ne iran lughaẹn ne aranmwẹ. Vbe igiemwi, ma sẹtin guan, ma sẹtin gha mu emwi roro, ma sẹtin kun emwi ọgbọn, ma sẹtin so ihuan, ma vbe sẹtin na erhunmwu. U ghi vbe ru iyobọ nẹ, ne ọ ya rẹn vbene Jehova mwẹ ẹtin hẹ, vbene ọ mwẹ ẹwaẹn hẹ, vbene ọ hoẹmwẹ emwi hia ne ọ yi hẹ—uhiẹn ya sẹ egbe dọmwadọghẹ vbuwe ima.

VBE AKO NA

IRUẸMWI 1

Osanobua Keghi Yi Agbọn Kevbe Ẹrinmwi

E Baibol gi ima rẹn wẹẹ Osanobua ẹre ọ yi agbọn na kevbe ẹrinmwi. Sokpan uwẹ rẹn odibosa ne irẹn ka yi, a te miẹn wẹẹ ọ yi emwi hia nikẹre ra?

IRUẸMWI 2

Osanobua Keghi Yi Okpia Nokaro Kevbe Okhuo Nokaro

Osanobua keghi yi okpia nokaro kevbe okhuo nokaro, ẹre ọ na viọ iran ye ogba ọghe Idẹni. Ọ na wẹẹ ne iran biẹlẹ emọ, kevbe ya uhunmwu otagbọn hia khian e paradais.