Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

De Emwamwa Ne Osanobua Mwẹ Ne Ima?

De Emwamwa Ne Osanobua Mwẹ Ne Ima?

U GHA tie ebe iyẹn, u na ghee ẹkpẹti ughe ra u na vbe danmwehọ iyẹn vbe ẹkpẹti ọta, emwi ne u bẹghe ra emwi ne u họn ma gberra okha ọghe uyinmwẹ ọkhọ, okuo kevbe oguomizan. Ughaghe uwẹ tobọ uwẹ vbe rri oya emianmwẹ ra u rre uwu akhiẹ, rhunmwuda ọmwa ne u hoẹmwẹ ọnrẹn ne ọ wu.

Nọ egbuẹ:

  • Ọna ọre emwamwa ne Osanobua mwẹ ne imẹ vbe ẹgbẹe mwẹ ra?

  • De ọmwa nọ gha sẹtin ru iyobọ mẹ ya zinegbe ọlọghọmwa hia ne I ye?

  • Ọ mwẹ ẹghẹ ne emwa hia khian ya gele gha mwẹ ọfunmwegbe nọ sẹ otọ ẹko ra?

E Baibol rhie ewanniẹn ni fu ọmwa ekhọe rre ye avbe inọta na.

 E BAIBOL MAA IMA RE WẸẸ OSANOBUA GHA RU EMWI ỌYUNNUAN VBE UHUNMWU OTAGBỌN.

  • Ai ghi miẹn obalọ, ai ghi khian ọmaẹn, ai ghi vbe wu.—Arhie Maan 21:4

  • “Arọ gha san ghe odukhunmwu.”—Aizaia 35:6

  • “Arhuaro gha bẹghe odẹ.”—Aizaia 35:5

  •  A gha huọn emwa ni wulo kpaegbe vbe idin.—Jọn 5:28, 29

  • Ai ghi miẹn ọmwa nọ khuọnmwi.—Aizaia 33:24

  • Te evbare khian kpọ kua vbe ehe hia vbe uhunmwu otagbọn.—Psalm 72:16

 AFIANGBE NA MIẸN VBE EMWI NE BAIBOL MAA IMA RE

U sẹtin gha roro ẹre wẹẹ emwi ne u ruẹ re vbe ipapa nọ gberra keghi re emwi na miẹn vbe imina, ne ẹi khian sunu ẹdẹ. Sokpan, Osanobua yan rẹn nẹ wẹẹ, vbe ne ẹi khian ghi kpẹ gbe, irẹn gha fi emwi hia werriẹ vbe uhunmwu otagbọn. E Baibol gi ima rẹn vbe nọ khian ya ru ẹre hẹ.

Ẹi re ọni ọkpa, e Baibol ye vbe tama ima emwi nọ khẹke ne ima ru ne ima mieke na gha sọyẹnmwẹ arrọọ vbe ẹghẹ na. Muẹn roro emwi eso nọ ya ruẹ si osi. Ọ sẹtin gha re ẹmwẹ igho, ẹmwẹ ẹgbẹe, emianmwẹ ra uwu ọghe ọmwa ne u hoẹmwẹ ọnrẹn. E Baibol gha sẹtin ru iyobọ nuẹn, ne u ya gu avbe ọlọghọmwa na loo, kevbe wẹẹ, ewanniẹn nọ rhie ye avbe inọta na gha rhie ifuẹko nuẹn:

 Ne u na tie ebe na rhiẹre ma wẹẹ, u gele hoo ne u rẹn ẹmwata nọ rre Baibol. Ebe na gha ru iyobọ nuẹn. Inọta rre dọmwadẹ okhuẹn nọ gha ya ruẹ rẹn e Baibol sayọ. Ẹbo emwa nibun wa ghọghọ ye Baibol ne Avbe Osẹe Jehova gu iran ruẹ. Ma yaro yọ wẹẹ, erriọ khian vbe gha ye nuẹn. Osanobua gha fiangbuẹ zẹvbe ne u ya mwẹ irẹnmwi ọghe Baibol sayọ!