Gberra gha rhie uhunta

Avbe Osẹe Jehova

Hannọ urhuẹvbo Edo

Emwa Ni Wulo Nẹ, Gha Gele Werriegbe Do Ghaa Rrọọ Ra?

Emwa Ni Wulo Nẹ, Gha Gele Werriegbe Do Ghaa Rrọọ Ra?

U ghaa khaa wẹẹ . . .

  • ẹẹn ra?

  • ra ẹn o?

  • ra egbọre?

 EMWI NE BAIBOL KHARE

“Arriọkpaegbe a gha rọọ.”—Iwinna 24:15, New World Translation.

ODẸ NẸ IYAYI NA KHIAN YA RU IYOBỌ NUẸ

Ọ gha rhie ifuẹko nuẹ adeghẹ emwa nu hoẹmwẹn ọnrẹn na wu.—2 Kọrinti 1:3, 4.

Ọ gha siẹ nu ghẹ muohan uwu.—Hibru 2:15.

Ọ gha ya ruẹ gha mwẹ ayayẹro wẹẹ, uwẹ kevbe emwa ruẹ ni wulo nẹ, gha werriegbe do gha rrọ kugbe.—Jọn 5:28, 29.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eha:

  • Osanobua ọre Ayi ọghe arrọọ. Ne Baibol keghi kha wẹẹ “e Jehova Osanobua ọre ẹzi ọghe arrọọ.’ (Psalm 36:9; Iwinna 17:24, 25) Ne ọmwa nọ rhie arrọọ ne evbayi hia, gele wa sekpe nọ gha sẹtin werriegbe rhie arrọọ ne ọmwa nọ wu nẹ.

  • Osanobua ka huẹn emwa ni wu kpaegbe vbe ẹghẹ nọ gberra. Ne Baibol sunu ye emwa nagbọn erẹnrẹn, ke ọmaẹn, ke ẹghele, ke ikpia kevbe ikhuo na huọn kpaegbe vbe uwu, werriegbe gha die arrọọ vbe otọagbọn na. Eso rrọọ ni wu vbe ọ ma he kpẹgbe. Sokpan ọkpa gha rrọọ nọ gha rre uwe idin vbe ọwarẹ ikpẹdẹ enẹ!—Jọn 11:39-44.

  • Osanobua muegbe nọ ya werriegbe ruẹ. Jehova keghi hẹ, ighẹ uwu. Ọ keghi ghe ẹre zẹvbe eghian. (1 Kọrint 15:26) Ọ hoo ẹgiẹgiẹ nọ khọn eghian nii muotọ, kevbe nọ wabọre rua ighẹ uwu lekpae ne arriọkpaegbe. Ọ keghi yẹ ọre nọ werriegbe rhie arrọọ ne iran ni rre ayere ọghẹe kevbe ọ hoo ne iran werriegbe do gha rre agbọn.—Job 14:14, 15.

 EMWI NỌ KHẸKE NU MU RORO

Vbọsiẹ ne a na khiọmaẹn kevbe a ghi wu?

Ne Baibol rhie ewanniẹ ye inọta nii vbe ebe GẸNẸSIS 3:17-19 kevbe ROM 5:12.