Gberra gha rhie uhunta

Avbe Osẹe Jehova

Hannọ urhuẹvbo Edo

De Emwi ne Arriọba Osanobua Khin?

De Emwi ne Arriọba Osanobua Khin?

U gha kha wẹẹ . . .

  • emwi nọ rre ọmwa ẹkokoudu nọ ra?

  • igiemwi kẹkan nọ ra?

  • arriọba nọ rre ẹrinmwi nọ ra?

 EMWI NE BAIBOL KHARE

“Osanobua nọ rre ẹrinmwi gha muẹn gbọọ arriọba nai khian sẹtin guọghua.” —Daniẹl 2:44, New World Translation. “A rhie ọmokpia ọkpa nima nẹ; a gha mue ne arriọba yọre izabọ.” —Aizaia 9:6, New World Translation.

ODẸ NẸ IYAYI NA KHIAN YA RU IYOBỌ NUẸ

  • U do gha rre ototọ arriọba nọ gbae, ne egbe gha na rọkhọ ruẹ.—Aizaia 48:17, 18.

  • U do gha rre agbọn ọgbọn nu khian na gha mwẹ egberhanmwẹ nọ gbae kevbe oghọghọ.—Arhie Maan 21:3, 4.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eva:

  • E Jesu rhiẹre ma emwi ne arriọba ọghe Osanobua khian ru. E Jesu ma erhuaẹngbe ẹre ne iran gha na erhunmwu ne Arriọba ọghe Osanobua rre kevbe na ru ahoo ọghe Osanobua vbe otagbọn. (Matiu 6:9, 10) Jesu rhiẹre ma vbene Osanobua khian ya họn erhunmwu ni hẹ.

    Vbọ rre agbọn, Jesu rhie evbare ne emwa ne ohanmwẹ gbe, ọ mu emwa ni khuọnmwi egbe rhan kevbe ọ na huẹn emwa ni wulo kpaegbe! (Matiu 15:29-38; Jọn 11:38-44) Zẹvbe Ọba nọ khian kha vbe Arriọba ọghe Osanobua, Jesu ru igiemwi nọ maan yotọ nọ dekaẹn emwi ne Arriọba ni khian ru ne emwa ni rre ototọ re.—Arhie Maan 11:15.

  • Avbe emwi dan nọ sunnu vbe agbọn na suigiẹ yọ wẹẹ, Arriọba ọghe Osanobua gha rherhe rre. Jesu tae yotọ wẹẹ, a te miẹn wẹẹ ne arriọba mu ọfunmwegbe gha die agbọn na, okuo, ohanmwẹ kevbe ugbohiotọ gha sie orueghe nọkhua ye agbọn na.—Matiu 24:3, 7.

    Ma wa bẹghe avbe ọlọghọmwa na vbe ẹdẹnẹrẹ. Rhunmwuda ọni, ma gha sẹtin gha mwẹ ilẹkẹtin wẹẹ, Arriọba ọghe Osanobua gha rherhe rhie ufomwẹ ye avbe ọlọghọmwa vberriọ hia.

 EMWI NỌ KHẸKE NU MU RORO

De vbene agbọn na khian gha ye hẹ vbe ototọ ukhamwẹ ọghe Arriọba Osanobua?

E Baibol rhie ewanniẹ ye inọta nii vbe ebe PSALM 37:29 kevbe AIZAIA 65:21-23.