Gberra gha rhie uhunta

Avbe Osẹe Jehova

Hannọ urhuẹvbo Edo

De Emwi Nọ Khian Ye Ẹgbẹe Gha Mwẹ Oghọghọ?

De Emwi Nọ Khian Ye Ẹgbẹe Gha Mwẹ Oghọghọ?

Wẹ roro ẹre wẹẹ . . .

  • ahoẹmwọmwa nọ ra?

  • ra igho nọ?

  • ra emwi ọvbehe ẹre nọ?

 EMWI NE BAIBOL KHARE

“Oghọghọ nọ ne iran ni họn ẹmwẹ ọghe Osanobua kevbe ni lelẹe!”—Luk 11:28, New World Translation.

ODẸ NẸ IYAYI NA KHIAN YA RU IYOBỌ NUẸ

Ahoẹmwọmwa nọ ke ekhọe rre. —Ẹfisọs 5:28, 29.

Ọghọ nọ se otọẹko.—Ẹfisọs 5:33.

Agbẹkunsotọ ọghe ẹmwata. —Mak 10:6-9.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eva:

  • Osanobua ẹre ọ muẹ gbọọ emwamwa ọghe ẹgbẹe. Ne Baibol khare wẹẹ, “irẹn ẹre nọ, nọ he ẹgbẹe hia eni.” (Ẹfisọs 3:14, 15) Ọni rhiema wẹẹ, Jehova ẹre ọ muẹn yotọ emwamwa ọghe ẹgbẹe. Vbọsiẹ ne ọni na mwẹ evbọdemu?

    Roro ẹre ghe: Adeghẹ evbare na rhiẹnrhiẹ mu ruẹ ukpẹ, kevbe u hoo nu rẹn emwi na ya lẹe, de ọmwa nu khian nọọ? Ẹi khian gberra ọmwa nọ lẹre.

    Erriọ vbe ye, obọ e Jehova, nọ muẹn gbọọ emwamwa ọghe ẹgbẹe, ẹre ima khian na miẹn otọre, emwi nọ ye ẹgbẹe mwẹ oghọghọ.—Gẹnẹsis 2:18-24.

  • Osanobua gbaroghe ruẹ. Ọ keghi re emwi ne ẹwaẹn ye ne avbe ẹgbẹe gualọ ibude ọghe Jehova, ne irẹn kpemehe ẹre luwe ẹmwẹ ọghẹe. Vbọsiẹ? “Rhunmwuda irẹn gbaroghe ruẹ.” (1 Pita 5:6, 7) Umamwẹ ruẹ ẹre Jehova gualọ, kevbe wẹẹ te ibude ọghẹe wa deyọ!—Itan 3:5, 6; Aizaia 48:17, 18.

 EMWI NỌ KHẸKE NU MU RORO

De vbene u khian ya gha re ọdọ, amwẹ, ra evbibiemọ nọ rẹnegbe?

Ne Baibol rhie ewanniẹ ye inọta nii vbe ebe ẸFISỌS 5:1, 2 kevbe KỌLOSE 3:18-21.