Gberra gha rhie uhunta

Avbe Osẹe Jehova

Hannọ urhuẹvbo Edo

Vbe Uwẹ A Roro Ghẹ, Agbọn Na Khian Gha Ye Hẹ Vbe Odaro?

Vbe Uwẹ A Roro Ghẹ, Agbọn Na Khian Gha Ye Hẹ Vbe Odaro?

Erriọ agbọn na khian . . .

  • wa gha ye khian ra?

  • te ọ khian rria sayọ ra?

  • ra te ọ khian maan sayọ?

 EMWI NE BAIBOL KHARE

‘Osanobua gha khiẹn ameve hia hin aro iran rre, kevbe uwu i khian ghi gha rrọọ, amaiwẹ akhiẹ ra eve ra obalọ gha ye gha rrọọ. Avbe emwi nẹdẹ gberra nẹ.’​—⁠Arhie Maan 21:​3, 4, New World Translation.

ODẸ NẸ IYAYI NA KHIAN YA RU IYOBỌ NUẸ

Iwinna nọ maan kevbe ne ere ye.​—⁠Aizaia 65:​21-23.

Ai ghi werriegbe miẹ emiamwẹ ra usẹ rhọkpa.​—⁠Aizaia 25:8; 33:⁠24.

A ghi gu avbe ẹgbẹẹ kevbe avbe ọse gha rrọọ vbe oghọghọ vbe ẹdẹdẹmwẹdẹ.​—⁠Psalm 37:​11, 29.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eva:

  • Osanobua gha sẹtin mu eyan ọghẹe sẹ. Vbuwe e Baibol, Jehova Osanobua ọkpa ẹre a tiẹre “ne Oghodua,” rhumwuda ẹtin ọghẹe i mwẹ eke nọ sẹ. (Arhie Maan 15:⁠3) Rhunmwuda ọni, ọ gha sẹtin mu eyan ọghẹe sẹ wẹẹ, irẹn gha fi agbọn na werriẹ fẹfẹfẹ khiẹn, nọ maan sayọ. Zẹvbe ne Baibol khare, “ai miẹn emwi nẹi gie Osanobua ru.”​—⁠Matiu 19:⁠26.

  • Osanobua keghi hoo nọ mu ne eyan sẹ. Vbe igiemwi, Jehova keghi ‘hoo ẹgiẹgiẹ’ nọ werriegbe rhie arrọọ ne emwa ni wulo nẹ.​—⁠Job 14:​14, 15.

    Ne Baibol vbe rhiẹre ma wẹẹ, Jesu ne Ovbie Osanobua mu emwa ni khuọnmwi egbe rhan. Vbọsiẹ ne ọ na ru ọni? Rhunmwuda ọ hoo nọ ruẹe. (Mak 1:​40, 41) Zẹvbe ne erhae ye zẹẹ, erriọ e Jesu vbe hoo nọ ru iyobọ ne emwa ne usẹ sẹẹ.​—⁠Jọn 14:⁠9.

    Rhunmwudọni, ima gha sẹtin yaeyi wẹẹ e Jehova kevbe Jesu hoo ne ima sọyẹnmwẹ arrọọ ọghe oghọghọ vbe odaro!​—⁠Psalm 72:​12-14; 145:16; 2 Pita 3:⁠9.

 EMWI NỌ KHẸKE NU MU RORO

De vbene Osanobua khian ya fi agbọn na werriẹ hẹ do khiẹn, nọ maan sayọ?

Ne Baibol rhie ewanniẹ ye inọta nii vbe ebe MATIU 6:​9, 10 kevbe DANIẸL 2:⁠44.