Gberra gha rhie uhunta

Avbe Osẹe Jehova

Hannọ urhuẹvbo Edo

De Ọmwa Nọ Gele Kha Yan Agbọn Na?

De Ọmwa Nọ Gele Kha Yan Agbọn Na?

Wẹ roro ẹre wẹẹ . . .

  • Osanobua nọ ra?

  • ra emwa nagbọn?

  • ra ọmwa ọvbehe?

 EMWI NE BAIBOL KHARE

“Agbọn na hia fẹrẹ keghi rre ototọ ẹtin ọghe ọmwa dan nii.”1 Jọn 5:19.

“Te Ovbie Osanobua rre . . . nọ do guọghọ iwinna esu rua.”1 Jọn 3:8, New Century Version.

ODẸ NẸ IYAYI NA KHIAN YA RU IYOBỌ NUẸ

Ọ gha ya ruẹ rẹn ototọ emwi nọ sie ọlọghọmwa ọghe agbọn na. —Arhie Maan 12:12.

Ọni gha vbe zẹẹ ne ima gha na yaeyi wẹẹ, agbọn na gha fiwerriẹ do maan sẹ vbene ọ ye na.1 Jọn 2:17.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eha:

  • Ukhamwẹ ọghe Setan dogborua nẹ. Jehova keghi mwẹ ẹkiudu nọ ya rhie ufomwẹ ye ukhamwẹ ọghe Setan yan emwa nagbọn. ‘Irẹn yanrẹn wẹẹ, irẹn gha guọghẹ iwinna ọghe Esu,’ ọ ghi dọlọeyi fẹfẹfẹ emwi hia ne Setan mu rria.—Hibru 2:14, New World Translation.

  • Osanobua zẹẹ e Jesu Kristi nẹ, zẹvbe ọmwa nọ khian kha yan agbọn na. Jesu wa lughaẹn fẹfẹfẹ ne ọkaẹrria nọ rrọọ na, no kha yan agbọn na. Nọ dekaẹn ukhamwẹ ọghe Jesu, Osanobua keghi ru eyan: “Ọ tohan iran ni ma wegbe kevbe ivbiogue . . . ọ miẹn iran fan hin obọ a zẹ ọmwa kpokpo kevbe ọkpankpan.”Psalm 72:13, 14.

  • Osanobua i sẹtin ta ohoghe. Ne Baibol tae vbe odẹ nọ dewuarorua: “Ẹi gie Osanobua ru nọ ta ohoghe.” (Hibru 6:18) E Jehova gha yan nẹ wẹẹ irẹn gha ru emwi, emwi ọkpa i daeyi nẹ ghẹ ruẹ! (Aizaia 55:10, 11) “Te a khian khuẹ rhorhua ighẹ enọkhavbisẹ yan agbọn na.”Jọn 12:31.

 EMWI NỌ KHẸKE NU MU RORO

De vbene agbọn na khian ghi gha ye hẹ, vbe a gha ghi suare fua nẹ ighẹ ọmwa nọ kha yan rẹn?

Ne Baibol rhie ewanniẹ ye inọta nii vbe ebe PSALM 37:10, 11 kevbe ARHIE MAAN 21:3, 4.