Gberra gha rhie uhunta

Avbe Osẹe Jehova

Hannọ urhuẹvbo Edo

De Aro Ebe Nu Wẹ Roro Ghe Baibol Khin?

De Aro Ebe Nu Wẹ Roro Ghe Baibol Khin?

U ghaa khaa wẹẹ . . .

  • ebe ẹwaẹn ọghe emwa nagbọn nọ ra?

  • ra ebe okha ọghe ohoghe?

  • ra Ebe nọ ke obọ Osanobua rre?

 EMWI NE BAIBOL KHARE

“Evbagbẹn nọhuanrẹn hia keghi re ne Osanobua yẹrike.”—2 Timoti 3:16, New World Translation.

ODẸ NẸ IYAYI NA KHIAN YA RU IYOBỌ NUẸ

Ọ gha rhie ewanniẹ ye avbe inọta kpataki nọ dekaẹn arrọ.—Itan 2:1-5.

Ọ gha rhie adia nọ gia hẹnhẹn egbe yan nọmwa, nọ dekaẹn vbene a ya yin hẹ vbe agbọn.Psalm 119:105.

Ọ gha rhie ayayẹrọ ọghe ẹmwata nọmwa, nọ dekaẹn arrọ vbe odaro.Rom 15:4.

 MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eha:

  • Aguegbero nọ kpamwa odin. Ne Baibol keghi re na gbẹẹn vbe ọwarẹ ukpo 1,600. Odẹ emwa 40 ughughan ẹre a loro ya gbọẹn. Nibun vbuwe iran ma dekun egbe hiehie. Ọrheyerriọ, ne ebe, ke omuhẹn ya se ufomwẹ, wa guegbero, vbene ọ na mwẹ uhunmwuta ọkpa!

  • Okha ọghe ẹmwata. Avbe ọtokha ọghe emwa nagbọn rrerre gbegue udemwẹ ọghe emwa iran. Nọ ya lughaẹn, avbe ọgbenbe ọghe Baibol keghi ta ẹmwata vbekpae emwi ne iran gbẹnnẹ yotọ kaẹn abakuru ọghe iran kevbe ọghe ivbiẹvbo ọghe iran.—2 Krọnikol 36:15, 16; Psalm 51:1-4.

  • Akhasẹ nọ mwẹ amusẹ. Ne Baibol tae yotọ uguọghọmwẹ ọghe okpẹvbo e Babilọn nẹdẹ vbe odẹ ukpo 200 a te miẹn wẹẹ ọ sunnu. (Aizaia 13:17-22) Ẹi re vbene Babilọn khian ya de hẹ ọkpa ẹre ọ giere, uhiẹn, ọ na vbe sunnu ye enni ọmwa nọ khian khọnrẹn muotọ!—Aizaia 45:1-3.

Avbe ẹmwẹ akhasẹ e Baibol nibun ọvbehe wa mwẹ amusẹ zẹvbe na wa ya tae yotọ zẹẹ. Ẹre erriọ khẹke ne ẹmwẹ ọghe Osanobua gele gha ye ra?—2 Pita 1:21.

 EMWI NỌ KHẸKE NU MU RORO

De vbene Ẹmwẹ ọghe Osanobua khian ya ru iyobọ nuẹ hẹ, ne agbọn mieke na maan ruẹ sayọ?

Ne Baibol rhie ewanniẹ ye inọta nii vbe ebe AIZAIA 48:17, 18 kevbe 2 TIMOTI 3:16, 17.