Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 ABỌ 7

Gha Re e Jesu?

Gha Re e Jesu?

E Jehova keghi gie e Jesu gha die agbọn. 1 Jọn 4:9

Adeghẹ ima hoo ne a ye ẹko rhiẹnrhiẹn e Jehova, te ima gha danmwehọ ọmwa ọvbehe kpataki. Ẹghẹ nọ kpẹre a te yi Adam, e Jehova keghi yi ọmọ orhiọn nọ mwẹ ẹtin vbe ẹrinmwi.

Ẹghẹ ni ghi sẹ, Jehova keghi gie ọmọ orhiọn na mieke na biọe vbe e Betlẹhẹm, lobọ uvbi na tiẹre e Meri. A kegha tie eni ọmọ ni e Jesu. Jọn 6:38.

Zẹvbe okpia vbe uhun otagbọn, e Jesu keghi ye ugamwẹ rhiẹre ma avbe akpa ọghe Osanobua. Irẹn keghi fu, nọ hoẹmwọmwa, kevbe nọ gia sikẹ. Vbuwe ai mwẹ ohan, irẹn keghi ma emwa ọvbehe re ne ẹmwata vbekpae e Jehova.

 E Jesu keghi ru emwi nọma sokpan a keghi hẹe. 1 Pita 2:21-24

E Jesu keghi vbe mu emwa ni khuọnmwi egbe rran kevbe ọ huẹn iran ni wu kpaegbe.

Avbe enisu vbe avbe ugamwẹ kegha khuiwu e Jesu rhunmwuda irẹn keghi vẹ ọre ua avbe imamwaemwi ohoghe ọghiran kevbe avbe odẹ ọkhọ ọghiran.

Avbe enisu vbe avbe ugamwẹ keghi kpikpi ivbi e Rom ne iran gie obọ da e Jesu kevbe ne a gbẹe ua.