Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 ABỌ 8

De Emwi Ne Uwu ọghe E Jesu Khin Ne Uwẹ?

De Emwi Ne Uwu ọghe E Jesu Khin Ne Uwẹ?

E Jesu keghi wu ne ima mieke na gha rrọọ. Jọn 3:16

Ikpẹdẹ eha vbe iyeke uwu ọghe e Jesu, ikhuo eso keghi mu okhian sẹ idin ọghẹe vbene ọ na ye hoto. E Jehova huẹn e Jesu kpaegbe nẹ vbe uwu.

E Jesu keghi ye okiekie rhiegbe ma avbe ukọ ọghẹe.

Ẹn, e Jehova rhie arhiọkpaegbe ne e Jesu nọ gha die arrọọ zẹvbe evbayi ọmọ orhiọn nẹi wu, nọ mwẹ ẹtin. Avbe erhuaengbe ọghe e Jesu bẹghe irẹn vbe ọ hin gha rrie ẹrinmwi.

 Osanobua huẹn e Jesu kpaegbe ọ keghi ye irẹn ma Ọba ọghe Arriọba Osanobua. Daniẹl 7:13, 14

E Jesu keghi rhie arọọ ọghẹe ya ha osa ye adẹwerriegbe ne uniẹn emwa nagbọn. (Matiu 20:28) Lekpae ne adẹwerriegbe nii, Osanobua keghi yae khin evbọ giaru nima ne a gha rrọọ ẹdẹdẹmwẹdẹ.

E Jehova keghi zẹ e Jesu zẹvbe Ọba nọ do kha yan uhun otagbọn. Deba irẹn keghi re 144,000 emwa amuẹtinyan na gha huẹn kpaegbe vbe uhun otagbọn gha rrie arrọọ vbe ẹrinmwi. E Jesu kevbe ne 144,000 keghi re na ya bu arriọba imudiaẹse ọghe ẹrinmwi. Arriọba nii keghi re na tiẹre Arriọba ọghe Osanobua.—Arhiema 14:1-3.

Arriọba ọghe Osanobua gha ye uhun otagbọn khien e paradais. Okuo, uyinmwẹ ikpata vbe izigan, ogue, kevbe ohanmwẹ i khian gha rrọọ ọvbehe. Emwa gha re nọ ghi gele ghọghọ.Psalm 145:16.