Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

 ABỌ 4

Iran Keghi Danmwehọ e Setan—Vbe a Ghi Lae Miẹn?

Iran Keghi Danmwehọ e Setan—Vbe a Ghi Lae Miẹn?

Adam kevbe Ivi ma họẹnmwẹ ne Osanobua rhunmwudọni iran na wu. Gẹnẹsis 3:6, 23

Ivi keghi danmwehọ ẹyẹn ọ na re vbe ne ọmọ erhan. Vbe iyeke ẹre, ọ na rhie eso ne Adam, ọ keghi re.

Emwi ne iran ru keghi re nọ ma gba—ọ kegha re orukhọ. Osanobua keghi ruẹe ne iran kpao hin owa iran ne e Paradais rre.

Arrọọ keghi do gha lọghọ iran kevbe ivbi iran. Iran keghi do khin ọmaẹn iran na do wu. Iran ma gha rrie agbọn ọghe ọmọ orhiọn; iran dobọ arrọọ yi.

 Eni wulo keghi re nẹi mwẹ arrọọ zẹvbe ekẹn. Gẹnẹsis 3:19

Ma keghi wu rhunmwuda ma hia ke uwu Adam kevbe Ivi ladian. Eni wulo i sẹtin bẹghe ra nọ họn ra nọ ru emwikemwi rhọkpa.—Asan-Ibo 9:5, 10.

E Jehova ma mwamwa vbe ekhọe ne ọmwa gha wu. Vbe nẹi khian kpẹ gbe, irẹn gha viọ werriegbe gha die arrọọ enii ni vbiẹ vbe uwu. Adeghẹ iran na danmwehọ ẹre, iran gha a rrọọ vbe ẹdẹdẹmwẹdẹ.