Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

U Yerre Ra?

U Yerre Ra?

U he tie ebe Owa Ọkhẹ ni da ladian ra? Hia ne u rhie ewanniẹn ye avbe inọta na:

Adia gha ke obọ ẹbu ni su rre, de emwi nọ khẹke ne avbe ọgbaroghe ọghe otako kevbe ediọn vbe iko ru?

Te ọ khẹke ne iran wa lele adia vberriọ. Inọta ne iran gha nọ egbe iran ọre wẹẹ: ‘Igiemwi ọghe imẹ ye asikẹgbe ne emwa ọvbehe gu e Jehova mwẹ wegbe sayọ ra? I ya ekhọe hia miẹn ọnrẹn yi ighẹ adia nọ rhirhi gha rre ra?’—w16.11, p. 11.

De ẹghẹ ne Ivbiotu e Kristi ya do gha rre imu ọghe Babilọn?

Ọ kegha re vbe avbe ukọ wulo fọ nẹ. Ẹghẹ nii ẹre iyayi okeke na rhiegbe ma. E Sọs kevbe Arriọba keghi ye iyayi ọghe Ivbiotu e Kristi okeke vẹwae vbene iran na de yan Ivbiotu e Kristi ọghe ata. Sokpan, ọ ghi bu ukpo 1914, etẹn na hannọ zẹ na suẹn gha fannọ egbe iran hin ugamwẹ ohoghe rre.—w16.11, pp. 23-25.

Vbọzẹe ne Baibol ne Lefèvre d’Étaples zedu ẹre na ru ekpataki?

Vbe ukpo 1520 ya sẹ 1529, Lefèvre keghi ya urhuẹvbo French zedu e Baibol ne ọ mieke na sẹ emwa hia obọ. Odẹ nọ ya rhan otọ e Baibol ẹre ọ ye Martin Luther, William Tyndale kevbe John Calvin rhiegbe ye iwinna izedu ọghe Baibol kevbe na maan emwa re.—wp16.6, pp. 10-12.

De alughaẹn ne egbe nọ rrọọ vbe “egbe ghaa tama ọmwa emwi nọ gha ru” kevbe “orhiọn ghaa gie odẹ emwi na gha ru ma ọmwa”? (Rom 8:6)

Ọmwa ne egbẹ ẹre tama rẹn emwi nọ gha ru keghi rhie aro tua emwi ikpakpa, ọ gha rhiegbe ma vbe emwi nọ taa kevbe emwi nọ ru. Uwu ẹre ọ kẹrikian. Sokpan ọmwa ne orhiọn gie odẹ ma keghi rhie aro tua emwi ọghe orhiọn. Iziro ekhọe ọghẹe keghi re nọ maan rhunmwuda ọ kue ne orhiọn nọhuanrẹn ọghe Osanobua gha loo ẹre. Emwi nọ kẹrikian ọre arrọọ kevbe ọfunmwegbe.—w16.12, pp. 15-17.

De emwi eso ne ima gha ru ne ima ghẹ gha si osi gbe?

Hae ye ugan ighẹ emwi ne u hoo ne u ru, ghẹ gha re ọmwa arovbẹmwẹ, zẹ ẹghẹ kọ ne u ya gha tie Baibol ẹdẹgbegbe, gha gbọyẹmwẹ ye evbayi, gha re ọmwa nọ gbe ọdẹn, gha ku iku isasegbe vbe ẹghẹ hia, u vbe gha vbiẹ ẹse.—w16.12, pp. 22-23.

“Ne Inọk gha te ya wu, a keghi tọn rẹn mu bu Osanobua gha khian.” (Hib. 11:5) Vbọ ya sunu hẹ?

Ọ yevbe na miẹn wẹẹ, te Osanobua ruẹ re vbe odẹ ọghe ọyunnuan, ne Inọk la ovbe la ovbe vbene ọ ma na rẹn.—wp17.1, pp. 12-13.

Vbọzẹe ne ọ na ye ru ekpataki na gha ru emwi ye oreghe?

Ọmwa nọ ru emwi ye oreghe i fian yan egbe, ọ vbe rẹn ako ne irẹn na vburriẹ. Ọ keghi gbaro kotọ ne uyinmwẹ ọnrẹn ghẹ rrua emwa ọvbehe owẹ. Ẹi vbe mu ohu nai mu yotọ.—w17.01, p. 18.

De osẹ nọ rhiẹre ma wẹẹ Osanobua ẹre ọ ghaa dia ẹbu ni su vbe orre nokaro zẹ vbene ọ vbe dia iran vbe ẹdẹnẹrẹ?

Orhiọn nọhuanrẹn ẹre ọ ru iyobọ ne iran ya rẹn ẹmwata nọ rre Evbagbẹn Nọhuanrẹn. Avbe odibosa keghi ru iyobọ ne iran ya siẹnro iwinna ikporhu iyẹn nọ maan. Ẹmwẹ Ọghe Osanobua ẹre iran ghaa loo ya rhie adia ne etẹn. Erriọ ẹre ọ wa vbe ye vbe ẹdẹnẹrẹ.—w17.02, pp. 26-28.

Vbọzẹe ne ima na ye aro nọ ghaan ghee adẹwerriegbe?

Ọ keghi re rhunmwuda emwi enẹ: Ọmwa nọ kpemehe ẹre, evbọzẹe ne ọ na kpemehe ẹre, vbene izọese adẹwerriegbe hiunsi sẹ hẹ kevbe emwi nọ fiangbua. Te ọ khẹke ne ima gha ru erria yan ena hia.—wp17.2, pp. 4-6.

Ovbiotu e Kristi gha ta mu olọ yan emwi nẹ, ọ khẹke nọ ye fi ekhọe werriẹ ra?

Agharhemiẹn wẹẹ te ọ khẹke ne ima gha mu ẹmwẹ ima sẹ, ọ mwẹ ẹghẹ eso nọ ya khẹke ne ima fi ekhọe werriẹ. Vbe igiemwi, Ivbi e Ninivẹ ghi fi uyinmwẹ iran werriẹ, Osanobua na vbe fi ekhọe re werriẹ. Ọ ma ghi guọghọ iran. Ugbẹnso, afiwerriẹ ra ayahọmwaehọ eso sẹtin ya ima fi ekhọe ima werriẹ.—w17.03, pp. 16-17.

Vbọzẹe nẹi na maan na gha taa ọmwa ọta iyeke?

Ọ keghi si ọlọghọmwa nọ lọghọ na sọfurre yi. Deghẹ ima ẹre ọ rriabe ra ma ẹre ọ rriase, ọ khẹke ne ima rẹn wẹẹ, ọtakhọ i mwẹ iyobọ nọ ye hiehie.—w17.04, p. 21.