Gberra gha rhie uhunta

Gberra gha rhie dọmwadẹ uhunmwuta ni rre uwu ẹre

Avbe Osẹe Jehova

Hannọ urhuẹvbo Edo

U Ka Rẹn Ra?

U Ka Rẹn Ra?

Vbọsiẹ ne ọ na gele khẹke ne Jesu tie avbe ọduẹki ni ghaa khiẹn aranmwẹ vbe Ọgua Osa nọ rre Jerusalem “oyi”?

EBE Matiu keghi kha wẹẹ: “Jesu keghi la uwu Ọgua Osa, ọ keghi khulo iran ni khiẹn kevbe ni dẹ ladian vbe Ọgua Osa. Ọ keghi ya etebul iran ni rrọ igho uhunmwu rhu kevbe ukhuerhe iran ni khiẹn elikhukhu. Ọ tama iran wẹẹ, ‘A gbẹn ọnrẹn ye uwu ebe wẹẹ, “Owa erhunmwu ọre a gha tie owa mwẹ,” sokpan wa yae khian ẹgun oyi!’”—Mat. 21:12, 13.

Ebe okha ọghe Ivbie Ju khare wẹẹ, te emwa ni ghaa duẹki vbe Ọgua Osa ghaa mu emwa ru lekpae ne iran na gha fian ive aghanghan ye emwi ne iran ghaa khiẹnnẹ. Vbe igiemwi, ne ebe Mishnah (Keritot 1:7) khare wẹẹ, asẹ ọkpa vbe orre nokaro, igho ọrhẹnrhẹn ẹre avbe ọdoẹki nii ya gha khiẹnnẹ elikhukhu na ya zọese. Vbene ọmwa nọ gbe ezọbu te khuan igho vberriọ, ikpẹdẹ 25 ẹre ọ khian ya winna. Idu ra elikhukhu ẹre emwa ne obọ ma sọ re ya zọese, sokpan iran ma ghi sẹtin gha dọe rhunmwuda ive aghanghan ne iran fian yọ. (Lev. 1:14; 5:7; 12:6-8) Ẹki omuru na keghi ya ohu mu Ọmamwaemwi Simeon ben Gamaliel sẹrriọ wẹẹ, ọ na fian inu izọese ne Ivbie Ju ghaa ru kanmwa. Ọwarọkpa nii ẹre igho na ya dẹ elikhukhu na wa rhiotọ. Te ọ yevbe na miẹn wẹẹ, emwi na ka khiẹn vbe naira 1000 na do khian naira 100.

Zẹ vbene a rhan otọ re na, ẹmwata e Jesu tae vbe ọ tie avbe ọduẹki nii “oyi” rhunmwuda arovbẹmwẹ ọghe iran kevbe ẹki omuru ne iran ghaa do.