Go long ol haf insaed long hem

6 OKTOBA, 2017
WANEM NIUFALA SAMTING

Oli Wokem Bakegen “Ol Baebol Tijing”

Oli Wokem Bakegen “Ol Baebol Tijing”

Oli wokem bakegen haf ya “Ol Baebol Tijing” we i stap long jw.org, blong mekem se i isi moa blong faenem ol defdefren topik. Hemia sam long ol jenis we oli mekem:

  • Niufala haf ya “Histri Mo Baebol” i tokbaot olsem wanem Baebol i stap kasem tede, olsem wanem oli transletem, mo olsem wanem plante man oli kasem Baebol. Mo tu, i tokbaot ol niufala save we man i faenem, blong pruvum se Baebol i laenap wetem histri.

  • Niufala haf ya “Pis Mo Glad” i eksplenem olsem wanem Baebol i save givhan long yu blong winim ol wari blong laef, mo olsem wanem blong faenem glad mo gat pis taem yu kasem wan trabol.

  • Niufala haf ya “Sayens Mo Baebol” i soemaot olsem wanem wol blong yumi i pruvum se ol samting we Baebol i tokbaot long saed blong sayens, i tru.

  • Oli wokem bakegen haf ya “Baebol i Ansa” blong mekem se i moa isi blong faenem wan kwestin we yu stap tingbaot.

  • Haf ya “Mared Mo Famle,” we i tekem ples blong “Advaes Long Mared Mo Ol Papa Mo Mama,” i givim ol gudfala advaes we i kamaot long Baebol blong givhan long mared blong yu, mo halpem yu blong tijim pikinini blong yu.