Go long ol haf insaed long hem

?I Stret Blong Ol Kristin We Oli Mared Oli Yusum Sam Samting Blong No Gat Pikinini?

?I Stret Blong Ol Kristin We Oli Mared Oli Yusum Sam Samting Blong No Gat Pikinini?

Ansa we Baebol i givim

Jisas i no talem long ol disaepol blong hem se oli mas gat pikinini, no oli no mas gat pikinini. Mo ol disaepol blong Jisas tu oli no tokbaot samting ya. Baebol i no talem se i rong blong yusum sam samting blong no gat pikinini. Wan rul blong Baebol we i save givhan long yumi long saed ya, i stap long Rom 14:12 we i se: “Yumi wanwan i mas talemaot olgeta fasin blong yumi long God.”

Olgeta we oli mared, oli fri blong jusum sipos oli wantem gat pikinini no nogat. Mo tu, oli save jusum hamas pikinini oli wantem gat mo wetaem oli wantem gat pikinini. Sipos wan hasban mo waef i jusum wan rod blong folem blong no gat pikinini, mo rod ya i no agensem fasin ya blong kilim pikinini long bel, hemia i prapa desisen blong tufala. I no gat man i save jajem tufala from desisen ya.—Rom 14:4, 10-13.