Go long ol haf insaed long hem

?Ol Rabis Spirit Oli Rili Stap?

?Ol Rabis Spirit Oli Rili Stap?

Ansa we Baebol i givim

Yes. Ol rabis spirit oli ol ‘enjel we oli mekem sin,’ oli rebel agensem God. (2 Pita 2:4) Faswan enjel we i mekem hem wan i kam wan rabis spirit, hemia Devel Setan, we Baebol i singaot hem se “jif blong ol rabis spirit.”—Matiu 12:24, 26.

Oli Mekem Stronghed Long Taem Blong Noa

Baebol i tokbaot se taem Bigfala Wota long taem blong Noa i no ron yet, sam enjel oli rebel agensem God. Hem i se: “Ol pikinini blong tru God oli stat blong lukluk ol gel blong ol man, oli luk we oli naes. Nao oli go tekem olgeta gel ya we oli jusumaot, blong oli waef blong olgeta.” (Jenesis 6:2, NW) Ol rabis enjel ya oli “lego prapa ples blong olgeta” long heven, oli jenisim bodi blong olgeta i kam bodi blong man, nao oli slip wetem ol woman ya.—Jud 6.

Taem Bigfala Wota i ron, ol stronghed enjel ya oli jenisim bodi blong olgeta bakegen, nao oli gobak long heven. Be God i ronemaot olgeta blong oli no moa joen long famle blong hem. Wan narafala panis blong olgeta se, bambae oli neva save jenisim bodi blong olgeta bakegen blong oli kam man.—Efesas 6:11, 12.