Go long ol haf insaed long hem

?Jon Baptaes i Bin Laef Bifo?

?Jon Baptaes i Bin Laef Bifo?

Ol Gospel oli tokbaot wan man we nem blong hem Jon Baptaes, we i stap prij long ol ples long Judia, i stap talemaot Kingdom blong God. ?Ol save blong Baebol long saed blong man ya oli stret? Traem tingbaot:

  • Baebol i talem se: ‘Jon baptaes, i kam. Long taem ya, hem i stap prij long draeples long Judia, i talem se: “Yufala i mas tanem tingting blong yufala from we Kingdom blong heven i kam klosap finis.”’ (Matiu 3:1, 2) ?I gat sam narafala buk we oli soemaot se samting ya i tru? Yes.

    Wan man blong raetem histri long faswan handred yia, we nem blong hem Flavius Josephus, hem i tokbaot wan man we nem blong hem “Jon, mo las nem blong hem Baptaes,” we i stap “pulum ol man Jiu blong oli laef long fasin we i stret,” mo blong oli mekem “wosip long God” mo “oli tekem baptaes.”—Jewish Antiquities, Book XVIII.

  • Baebol i talem tu se Jon i tok blong stretem Herod Antipas we i stap rul long Galili mo Perea. Herod i mekem olsem se hem i wan man Jiu taem hem i stap folem Loa blong Moses. Jon i tok long Herod from we hem i mared long Herodias we i waef blong brata blong hem. (Mak 6:18) I gat pruf we i soemaot se samting we Baebol i talem i tru.

    Josephus, man ya blong raetem histri i talem se Antipas i “[stat] blong lavem Herodias” mo hem i “no fraet blong askem hem blong i maredem hem.” Herodias i agri, nao i lego hasban blong hem blong go maredem Antipas.

  • Baebol i talem se “ol man long Jerusalem mo long evri ples long Judia mo ol kantri raonabaot long Jodan Reva, oli go long [Jon], ale hem i baptaesem olgeta long Jodan Reva.”—Matiu 3:5, 6.

    Josephus i sapotem samting we Baebol i talem. Hem i raetem se, “bigfala hip blong ol man” oli kam luk Jon mo “oli glad [o, harem gud] bitim mak long ol samting we Jon i talem.”

I tru nomo se Josephus man ya blong raetem histri long faswan handred yia, i luk Jon Baptaes olsem wan trufala man we i laef bifo. Yumi tu yumi save gat sem tingting.