Go long ol haf insaed long hem

Go long lis blong ol haf

 ROD BLONG DAONEM WARI

?Yu Yu Stap Wari?

?Yu Yu Stap Wari?

Jil * i talem se: “Yumi evriwan i wari samtaem, be mi mi wari bitim mak. I no wan problem nomo we i mekem mi mi wari, be plante problem mo hadtaem, mo tu, bigfala wok blong lukaot long hasban blong mi, we plante yia hem i sik long bodi mo tingting.”

Bari i talem se: “Waef blong mi i lego mi, mo mi wan nomo mi mas lukaot long tufala pikinini blong mitufala. Hemia i had tumas. Antap long samting ya, mi lusum wok blong mi, mo mi no naf blong pem rod takis blong trak blong mi. Mi no moa save wanem blong mekem. Mi wari bitim mak. Mi save se i no stret blong mi kilim mi wan i ded, taswe mi askem long God blong i tekemaot laef blong mi.”

?Samtaem yu tu yu wari bitim mak, olsem Jil mo Bari? Sipos yes, ol save long magasin ya bambae i leftemap tingting mo givhan long yu. Hem i tokbaot samting we i mekem man i wari, olsem wanem wari i spolem yumi, mo wanem we yumi save mekem blong daonem wari.

^ par. 3 Mifala i jenisim ol nem.