Go long ol haf insaed long hem

Go long lis blong ol haf

 STORI BLONG FRAN PEJ | ?BAEBOL I STRET YET TEDE?

Ol Gudfala Fasin We Oli Stap Oltaem—Stap Tru Long Narafala

Ol Gudfala Fasin We Oli Stap Oltaem—Stap Tru Long Narafala

BAEBOL I TALEM SE: “Mared i wan fasin we yufala evriwan i mas tinghae long hem. Yufala we i mared, yufala i mas lukaot gud long mared blong yufala, blong i stap klin gud oltaem.”—Hibrus 13:4.

SAMTING WE I KAMAOT: Samfala oli talem se tok ya blong Baebol i olfala tumas mo i no stret tede. !Be oli rong olgeta! Fasin ya we man i no stap tru long narafala, i spolem gud plante man tede, sem mak olsem we i spolem ol man long taem we oli raetem Baebol.—Ol Proveb 6:34, 35.

Jessie, we i wan papa i talem se: “Mi mo woman blong mi, mitufala i fren gud mo harem gud, from we mitufala i stap tru long mitufala. I tru, se man mo woman tufala i mas trastem tufala. Be sipos tufala i no stap tru long tufala, bambae tufala i no save trastem tufala,” mo hemia i save spolem ol pikinini tu.

Linda, * we klosap i spolem mared blong hem, i talem se: “Mi stat blong joen wetem ol rabis fren, nao mifala i stap go long ol rabis pati mo long naetklab. Mi stap giaman tu long man blong mi.” ?Olsem wanem? ?Linda i glad? Nogat. Hem mo man blong hem tufala i raorao oltaem, mo hem i harem nogud tumas. Hem i talem se: “Taem mi tingbaot ol rabis samting we mi mekem, mi jes luksave se papa mo mama, tufala i talem tru nomo se: ‘Ol fren we oli no stret, oli save spolem ol gudfala fasin.’”—1 Korin 15:33.

Linda i gohed i se: “Bifo we ol samting oli kam mowas, mi tekem desisen blong lego ol rabis fasin blong mi. Mi mekem tingting blong mi i strong se mi mas stadi Baebol mo folem ol tijing blong hem.” Samting we i kamaot hemia se mared blong tufala i stap gud bakegen, mo man blong hem i kaen long hem mo i respektem hem moa. Linda i talem se: “Baebol i jenisim laef blong mi. Mi no sore nating se mi livim olfala laef blong mi mo ol man we mi bin ting se oli fren blong mi.”

^ par. 6 Mifala i jenisim sam nem.