Laef Stori Blong Ol Witnes Blong Jehova

I gat sam man mo woman raon long wol we oli putum wosip blong Jehova fasples long laef blong olgeta. Stori blong olgeta bambae i enkarejem yu mo mekem bilif blong yu i kam strong.

DET NEM

Laef Stori Long Ol Magasin Blong Yumi

Go long ol link ya blong ridim plante laef stori blong ol Witnes blong Jehova we i kamaot long ol Wajtaoa mo Wekap! stat long yia 1955.

KARL RIETZ

Mi Luksave Se Han Blong Jehova i Neva Sot

Long ol yia we i pas, Karl i luk olsem wanem Jehova i mekem ples blong printim ol buk long Brasil i kam bigwan moa, from we wok blong prij long Brasil i kam antap bigwan.

PETER HAMADEJ

Jehova i Halpem Mifala Blong Mekem Ol Waes Desisen

Peter mo waef blong hem Lenka i fesem ol hadtaem long laef blong tufala. Be wetem help blong Jehova, tufala i naf blong mekem ol waes desisen.

CAROL APPLEBY

Jehova i Givhan Long Mi Blong Mi Tijim Ol Faef Pikinini Blong Mi

Jehova i givhan long Carol blong winim plante hadtaem, taem hem i stap tijing ol pikinini blong hem blong oli kam ol gudfala Witnes.

VIRGILIJUS PUDZIUVYS

Oltaem Jehova i Mekem Rod Blong Mifala i Stanap Strong

Nating se Virgilijus mo waef blong hem i kasem bigfala fasin agens, mo gavman i mekem i strong tumas long tufala, mo hem i stap plante yia long prisen, be tufala i luk bakegen mo bakegen olsem wanem Jehova i ansarem prea blong tufala mo givhan long tufala.

OLEH RADZYMINSKYI

Kalabus i No Blokem Mi Blong Fren Gud Wetem Jehova

Oleh i gohed blong trastem Jehova, taem hem i stap long skul, long prisen, mo taem i gat wan emejensi. Luk olsem wanem Oleh i gohed blong trastem Jehova long ful laef blong hem.

WARREN REYNOLDS

Mi Glad Se Mi Jusum Beswan Wok

Warren mo waef blong hem Leann i luksave se Jehova i save trenem yumi blong mekem enikaen wok sipos yumi rere blong akseptem eni wok we hem i givim long yumi.

KAMAL VIRDEE

“Mi Wantem Tumas Se i Gat Jastis”

Famle blong Kamal i tritim nogud hem wetem tufala sista blong hem mo oli agensem trifala. Be hem i faenem ansa se from wanem ol nogud samting oli stap hapen, mo hem i glad blong mekem wok blong Jehova long plante defren rod.

IBOLYA BARTHA

Mi Winim Hasban Blong Mi, Nating Se Mi “No Talem Wan Samting”

Ibolya i stanap strong taem hasban blong hem i agensem hem blong 13 yia. Long olgeta taem ya, hem i lanem se ol man mo situesen blong laef blong olgeta i save jenis.

HAKAN DAVIDSSON

Mitufala i Givhan Blong Mekem Trutok Blong Baebol i Kasem Plante Man

Hakan i fren gud wetem Jehova i bitim we hem i folem olgeta we oli lafet blong gat gudtaem nomo. Naoia, bitim 50 yia i pas finis, mo hem i luk olsem wanem gud nius i stap kasem ol man long evri nesen, laen, mo lanwis.

MILES NORTHOVER

Jehova i Blesem Wok We Mi Mekem Wetem Han Blong Mi

Miles i folem wan niufala rod long laef blong hem taem hem i lanem saen lanwis. Hem i tingting bak long ol fifti yia we oli pas, mo i tokbaot ol blesing we hem i kasem taem hem i givhan long olgeta we sora i fas long Briten.

IRMA BENTIVOGLI

Mekem Wok Blong God Ya We i Givim “Olgeta Gudfala Presen”

Nating se Irma i stap tingbaot yet ol samting we i hapen long Wol Wo II, be hem i glad long ol gudfala presen we hem i kasem long saed blong spirit olsem, ol gudfala eksampol we hem i gat mo wok long Betel.

TERRY REYNOLDS

Jehova i Halpem Mi Blong Mekem Bes Blong Mi

Terry i gat strong tingting blong mekem fultaem wok blong Jehova, taswe hem i kasem plante defren wok, olsem wok blong misinari mo wok long Betel blong Taewan. Hem i statem wok blong paenia bitim 60 yia i pas, mo kam kasem tede hem i gohed strong long wok blong Jehova wetem waef blong hem Wen-hwa.

ASTER PARKER

Mi Wantem Yusum Laef Blong Mi Fulwan Blong Ona Long Jehova

Stat taem Aster i smol, hem i laekem trutok. Taem politik i mekem bigfala trabol i kamaot long Itiopia, hemia i traem bilif blong Aster mo hem i go long prisen. Biaen, hem i wok long Betel long New York, mo afta, hem i gat tri boe blong hem.

JAY CAMPBELL

Jehova i Leftemap Mi Long Graon Mo i Givim Fulap Blesing

Taem Jay i stap gruap, hem i handikap, i pua, mo i no save go long skul. Nating se hem i gat wan had laef, be hem i halpem tri woman blong oli gohed go kasem baptaes, mo hem i gohed strong long wok blong prij.

TAPANI VIITALA

Mi Wantem Tumas Blong Givhan Long Ol Man We Sora Blong Olgeta i Fas

Tapani i mekem plante trip long Finlan, Estonia, Latvia, mo Lituenia, blong serem gud nius wetem ol man we sora blong olgeta i fas. !Bitim 60 yia afta we hem i baptaes, tingting blong wantem givhan long olgeta i stap strong yet!

DORINA CAPARELLI

!Nating Se Mi Gat Fasin Blong Sem, Bambae Mi Jusum Sem Rod Bakegen!

Dorina i mekem wok blong fultaem mo spesel paenia, eria mo distrik wok, mo i wok long Betel. Hem i tokbaot klosap 70 yia long fultaem wok blong Jehova mo olsem wanem Jehova i halpem mo blesem hem.

JESÚS MARTÍN

“Jehova i Sevem Mi Long Taem We Laef i Had Tumas”

Long ol yia we Jesús i spenem hem wan long wan rum blong prisen we i kolkol mo i dak, mo long ol yia we hem i harem gud long fultaem wok blong Jehova, hem i lanem blong trastem paoa blong Jehova.

DAVID MAZA

Rabis Nius We i Spolem Wan Hapi Famle, Mo Olsem Wanem Oli Kamgud Bakegen

Ridim olsem wanem rabis nius we i spolem wan famle i pulum samfala blong oli gat hop mo trastem Jehova.

GEORGIY PORCHULYAN

“Lav Blong Mi Long Jehova i Mekem Se Mi Stanap Strong”

Hem i lukaotem jastis mo pis long tingting. Mo hemia i lidim hem blong i kam wan Witnes blong Jehova. Lav blong hem long Jehova i mekem hem i stanap strong long ol yia we hem i wok slef long kalabus, mo i stap long narafala kantri, mo hemia i givim paoa long hem tu blong i lukaot long gudfala waef blong hem.

CAMILLA ROSAM

Mi Traehad Oltaem Blong Obei Long Jehova

Samting we i impoten moa long Camilla mo hasban blong hem, Eugene, hemia blong lavem Jehova, mo blong obei long hem mo oganaesesen blong hem.

DAYRELL SHARP

God i Givim Paoa Blong Mitufala i No Tanemraon

Nating se Dayrell mo Susanne Sharp i fesem plante hadtaem, be tufala i halpem bitim 130 man mo woman blong oli gohed gogo oli baptaes.

MILTIADIS STAVROU

“Mitufala i Luk Se Jehova i Lidim Mo i Kea Long Mitufala”

Ol problem mo samting we ol misinari long Medel Is oli sek long hem, i tijim Milto mo waef blong hem Doris blong dipen fulwan long Jehova God, i no long tufala nomo.

ELFRIEDE URBAN

Wan Gudfala Laef Long Wok Blong Misinari

Elfriede i kasem mak we hem i putum taem hem i pikinini, hemia blong kam wan misinari. Naoia, 55 yia biaen, hem i gohed yet blong tijim ol narafala long saed blong Jehova, nating se hem i bin fesem plante trabol mo ol samting long laef blong hem oli jenis.