Go long ol haf insaed long hem

Go long lis blong ol haf

?Bambae Yu Yu Mekem Samting We Jehova i Wantem?

?Bambae Yu Yu Mekem Samting We Jehova i Wantem?

Mifala i glad we yu ridim buk ya. Tangkiu tumas. Naoia yu save se ol Witnes blong Jehova oli wanem kaen man, yu save long wok blong olgeta, mo se oli wok folem wanem plan. Ating buk ya i givhan long yu blong yu luksave se ol Witnes blong Jehova nao oli stap mekem samting we God i wantem. I gud yu gohed blong kasem save long God, mo yu tokbaot samting we yu lanem long ol famle mo ol fren blong yu. I gud yu joen tu long ol miting blong ol Witnes.—Hibrus 10:23-25.

Sipos yu gohed blong kasem save long Jehova, bambae yu luksave se hem i lavem yu tumas. Nao bambae yu wantem soemaot long hem se yu tu yu lavem hem. (1 Jon 4:8-10, 19) ?Yu soemaot samting ya olsem wanem? Sipos yu obei long ol loa blong God, ?bambae oli mekem i gud long yu? ?Wanem i save givhan long yu blong yu wantem mekem samting we God i glad long hem? Tija blong yu bambae i glad blong tokbaot ol kwestin ya wetem yu. Nao yu wetem famle blong yu, bambae yufala i save ‘stap long laef ya we God i lavem yufala.’ Mo hem i save “givim laef long yufala we i no save finis.”—Jud 21.

Mifala i askem long yu blong yu stadi long buk ya, we bambae i givhan long yu blong yu folem trutok long laef blong yu . . .