Go long ol haf insaed long hem

Go long lis blong ol haf

Lefsaed: Wan colporteur i prij long Koria, long yia 1931; Raetsaed: Long Koria, wan sista i prij long ol man we sora blong olgeta i fas

 HAF 2

Wok Blong Talemaot Kingdom​—Gud Nius i Kasem Olgeta Ples Long Wol

Wok Blong Talemaot Kingdom​—Gud Nius i Kasem Olgeta Ples Long Wol

 LONG wan dei we yu no wok, yu girap long eli moning, mo yu stat mekem rere blong go prij. Yu harem se yu taed smol. !Yu wantem spel nomo! Be yu prea, nao tingting blong yu i kam strong blong go prij. Long wok blong prij, yu wok wetem wan olfala sista, we hem i kaen tumas mo i gohed longtaem finis long wok blong Jehova. Fasin blong hem i tajem hat blong yu. Taem yutufala i stap prij, yu stap tingbaot se ol brata mo sista long olgeta ples long wol oli stap talemaot sem trutok olsem yutufala, oli stap yusum ol semfala buk, mo oli kasem semfala trening. Taem yu gobak long haos, yu no moa taed. !Yu yu glad tumas se yu go prij!

Wok blong prij, hem i bigfala wok we Kingdom blong God i stap mekem naoia. Jisas i talem se long ol las dei, gud nius ya bambae i kasem olgeta ples long wol. (Mat. 24:14) ?Profet tok ya i kamtru olsem wanem? Long haf ya, bambae yumi tokbaot wok blong prij we ol tru Kristin oli mekem. Wok ya i givhan long plante milian man blong oli bilif se Kingdom blong God i wan prapa gavman we i stap rul. Bambae yumi tokbaot ol man we oli mekem wok ya, ol rod blong prij, mo ol samting we oli yusum blong mekem wok ya.

LONG HAF YA

JAPTA 6

Ol Man Blong Prij​—Ol Man Blong God Oli Glad Blong Prij

?From wanem Jisas i gat strong tingting se bambae i gat ol man we oli glad blong prij long ol las dei? ?Yu soemaot olsem wanem se yu stap lukaot Kingdom fastaem?

JAPTA 7

Ol Rod Blong Prij​—Ol Defdefren Rod Blong Prij Long Plante Moa Man

Ridim stori blong ol defdefren rod we ol man blong God oli yusum blong talemaot gud nius long plante man bifo we en i kamtru.

JAPTA 8

Ol Samting We Oli Yusum Blong Prij​—Oli Wokem Ol Buk

?Wanem i soemaot se Jisas i stap lidim wok ya blong tanem ol buk? ?Wok blong printim ol buk i soemaot olsem wanem se Kingdom i wan prapa gavman?

JAPTA 9

Wok Blong Prij i Karem Frut​—‘Kakae Long Garen i Rere Finis’

Taem Jisas i tokbaot wok blong karem kakae long garen, hem i tijim ol disaepol blong hem long tu impoten samting. ?Tufala samting ya i givhan long yumi olsem wanem?