Go long ol haf insaed long hem

Go long lis blong ol haf

Lefsaed: Long yia 1926, olgeta we oli stap long Betel long Brooklyn oli mekem lafet blong Krismas laswan; Raetsaed: Ol man oli luksave se ol Witnes blong Jehova oli defren long ol narafala

 HAF 3

Ol Gudfala Fasin We Kingdom i Leftemap​—Yumi Folem Stret Fasin Blong God

Ol Gudfala Fasin We Kingdom i Leftemap​—Yumi Folem Stret Fasin Blong God

 YU YU stap wokbaot long yad blong yu. Yu luk man ya we i stap long nekis yad, nao yu sakem han blong yu blong talem halo long hem. Hem i sakem han blong hem tu, mo i singaot yu yu kam. Yu tingbaot se long plante manis, man ya i stap wajem gud yu mo famle blong yu. Ale, hem i talem long yu se: “Mi luk se yufala i defren long ol narafala man. Mi harem oli talem se yufala i Witnes blong Jehova, ?i tru?” Yu ansa se: “Yes i tru.” Hem i gohed se: “Ol narafala skul oli mekem lafet long ol holide, oli joen long politik mo faet, mo oli smok. Be yufala i no olsem. Mo yufala i gat gudfala fasin insaed long famle. Mi wantem askem long yu se, ?From wanem yufala i defren long ol narafala?”

Yu yu save finis ansa blong kwestin ya: Yumi stap aninit long rul blong Kingdom blong God. Jisas, we i King blong yumi, i stap givhan long yumi blong yumi folem moa ol fasin blong hem. Taswe, yumi defren long ol man blong wol. Long haf ya, bambae yumi luk olsem wanem Kingdom ya i stap mekem ol man blong God oli kam klin long wosip mo fasin blong olgeta, mo i stap mekem ogenaesesen tu i klin moa. Ol samting ya i leftemap nem blong Jehova i go antap.

LONG HAF YA

JAPTA 10

King i Stap Mekem Ol Man Blong Hem Oli Klin Long Wosip Blong olgeta

?Wanem samting i sem mak long saed blong Krismas mo kros?

JAPTA 11

Fasin i Kam Klin Moa​—Yumi Soemaot Se God Blong Yumi i Klin Mo i Tabu

Esikel i luk wan vison blong haos blong God. Ol rum blong gad mo ol get blong haos ya oli gat spesel mining long ol man blong God afta long yia 1914.

JAPTA 12

Yumi Wok Folem Plan Blong “God Ya We i Stamba Blong Pis”

Baebol i no yusum tok ya ‘wok folem plan’ blong talem samting we i defren long ‘paspas,’ hem i yusum ‘pis.’ ?From wanem? Ol Kristin oli mas save ansa blong kwestin ya.