Go long ol haf insaed long hem

Go long lis blong ol haf

Klosap Bambae i Kamtru

Klosap Bambae i Kamtru
SOEM LONG

Daonlodem:

  1. 1.Yu harem pijin i singsing,

    Mo yu wajem klaod i muv.

    Yu wokbaot long saed blong reva

    Mo yu luk san i saen long blu skae.

    Yu welkamem ol famle

    We oli laef bakegen.

    Paradaes hemia nomo,

    Klosap bambae i kamtru.

  2. 2.I gat haos klosap long reva,

    I gat haos antap long hil.

    Yu harem ol man i singsing

    Mo noes blong wota we i stap ron.

    Ol kakae oli rere,

    Yumi go blong tekemaot.

    Paradaes hemia nomo,

    Klosap bambae i kamtru.

    (JOENEM)

    Longtaem i kam, yumi stap wet

    Blong harem gud long samting ya.

    Naoia i no gat man i krae.

    Niufala wol, niufala laef.

  3. 3.Evriwan i glad blong storian

    Mo smelem ol naes flaoa.

    Yumi singaotem ol famle.

    I wan nambawan dei bakegen.

    “Tangkiu tumas Jehova God

    From yu lavem mifala.”

    Ol nambawan blesing ya

    Klosap bambae i kamtru.

    (JOENEM)

    Mo evri dei mi talem se,

    “I naes blong luk we yu yu glad!”

    From plante yia mi mi stap drim

    Blong holemtaet yu bakegen.

  4. 4.Hop we mi mi wet from

    Klosap nao bae i kamtru.

    Hemia promes blong Jehova.

    Mi mi save trastem promes ya.

    Bambae tingting i no foldaon

    Sipos mi tingbaot fiuja.

    Dei ya nao mi mi wet from.

    Yes, klosap bambae i kamtru.