Go long ol haf insaed long hem

Go long lis blong ol haf

 LAEF BLONG OL KRISTIN

?Yu Yu Tinghae Long Tok Blong God?

?Yu Yu Tinghae Long Tok Blong God?

Ol tingting mo ol toktok blong Jehova God oli stap long tabu buk blong hem, Baebol. (2Pi 1:20, 21) Baebol i pruvum se rul blong Jehova i stret, taem i tokbaot hop blong wan gudfala laef we i no longtaem olgeta man bambae oli kasem. Mo tu, Baebol i tokbaot ol gudfala fasin blong Papa blong yumi long heven, Jehova.—Sam 86:15.

Yumi evriwan i laekem Tok blong Jehova from plante defren risen. Be, ?yumi stap ridim evridei mo folem wanem we yumi ridim, blong soemaot se yumi tinghae long nambawan presen ya? I gud ol fasin blong yumi oli soemaot se yumi gat sem tingting olsem man blong raetem Sam we i se: “Hae God. Mi mi laekem Loa blong yu tumas.”—Sam 119:97.

WAJEM VIDEO YA OLI TINGHAE LONG BAEBOL​—WAN SMOL HAF BLONG HEM (WILLIAM TYNDALE), MO BIAEN YU ANSA LONG OL KWESTIN YA:

  • ?From wanem William Tyndale i transletem sam haf blong Baebol?

  • ?Traehad blong hem blong transletem Baebol i soemaot wanem?

  • ?Olsem wanem ol kopi blong Baebol blong Tyndale oli gotru long Inglan long fasin haed?

  • ?Olsem wanem yumi wanwan i soemaot se yumi tinghae long Tok blong God?