Go long ol haf insaed long hem

Go long lis blong ol haf

 LAEF BLONG OL KRISTIN

!Yumi Laef Blong Presem Jehova!

!Yumi Laef Blong Presem Jehova!

Laef i wan sas presen. Samting we yumi mekem evri dei i soemaot sipos yumi glad long presen ya laef. Yumi ol Witnes blong Jehova, yumi traehad blong yusum ol save mo gudhan we yumi gat blong ona mo presem Jehova we hem i stamba blong laef. (Sam 36:9; Re 4:11) Be, ol wari blong laef we yumi kasem evridei long rabis wol ya, oli save mekem se i isi nomo blong no moa tingbaot ol samting long saed blong spirit. (Mak 4:18, 19) Taswe i gud yumi askem yumi wan se: ‘?Mi stap givim beswan blong mi long Jehova? (Hos 14:2) ?Wok blong mi i givhan long mi blong mekem moa long wok blong Jehova? ?Wanem ol mak we mi wantem kasem long trutok? ?Olsem wanem mi save mekem moa long wok blong prij?’ Sipos yu luk se yu nidim blong kamgud moa, yu prea long Jehova blong i halpem yu mo yu mekem jenis. !Blong talem tru, sipos yumi presem Jehova evridei bambae laef blong yumi i gat mining mo yumi glad!—Sam 61:8.

?Yu yusum save we yu gat long wok blong hu?

WAJEM VIDEO YA YUSUM SAVE WE YU GAT LONG WOK BLONG JEHOVA MO BIAEN YU ANSA LONG OL KWESTIN YA:

  • ?From wanem i no waes blong yusum save we yu gat long wol blong Setan? (1Jo 2:17)

  • ?Olgeta we oli givim beswan blong olgeta long Jehova bae oli kasem wanem blesing?

  • ?Wanem sam wok blong Kingdom we yu save yusum save mo gudhan blong yu long hem?