Go long ol haf insaed long hem

Go long lis blong ol haf

 LAEF BLONG OL KRISTIN

Kam Gud Moa Long Wok Blong Prij—Givhan Long Baebol Stadi Blong i Gohed Kasem We i Baptaes

Kam Gud Moa Long Wok Blong Prij—Givhan Long Baebol Stadi Blong i Gohed Kasem We i Baptaes

?FROM WANEM I IMPOTEN? Blong Jehova i glad long wan man, man ya i mas givim laef blong hem long Jehova mo i baptaes. (1Pi 3:21) Olgeta we oli stap mekem ol samting we Jehova i wantem oli stap sef aninit long han blong hem. (Sam 91:1, 2) Taem wan Kristin i baptaes, hem i givim laef blong hem long Jehova, be i no long wan man, wan wok, no wan ogenaesesen. From samting ya, i gud se ol Baebol stadi oli mas lanem blong lavem Jehova.Rom 14:7, 8.

?YU MEKEM OLSEM WANEM?

  • Taem yutufala i stadi long wan haf, i gud yu tokbaot olsem wanem haf ya i soemaot ol fasin blong Jehova. Mo tu, yu leftemap tingting blong Baebol stadi blong i ridim Baebol evridei, mo i prea “oltaem.”1Te 5:17; Jem 4:8

  • I gud yu leftemap tingting blong Baebol stadi blong i putum mak blong baptaes. Yu save givhan long hem tu blong kasem ol mak olsem, givim ansa long miting, prij long ol famle, mo ol man long ples blong wok. Yu mas tingbaot se Jehova i no fosem man blong i mekem wok blong hem. Baptaes hem i desisen blong wanwan man.Du 30:19, 20

  • Pulum Baebol stadi blong i mekem sam jenis long laef, blong i save mekem Jehova i glad mo tekem baptaes. (Pro 27:11) Maet i no isi long Baebol Stadi blong lego sam olfala fasin blong hem, taswe i gud yu gohed blong givhan long hem. (Ef 4:22-24) Yu save tokbaot haf ya “Baebol i jenisim laef blong man” we i stap kamaot long ol Wajtaoa

  • Tokbaot glad we yu kasem taem yu mekem wok blong Jehova.Aes 48:17, 18