Go long ol haf insaed long hem

Go long lis blong ol haf

 LAEF BLONG OL KRISTIN

Traem Kamgud Moa—Prij Long Olgeta Man Long Teritori

Traem Kamgud Moa—Prij Long Olgeta Man Long Teritori

?FROM WANEM I IMPOTEN?: Profet Sekaraea i bin talemaot se ol man blong olgeta lanwis mo laen bae oli lesin long gud nius. (Sek 8:23) ?Be hu bambae i tijim olgeta? (Ro 10:13-15) Yumi gat blesing ya blong talemaot gud nius long olgeta man long teritori blong yumi. —od pej 84 haf 10-11

?YU MEKEM OLSEM WANEM?:

  • Reregud. ?Samtaem yu faenem ol man we oli toktok wan narafala lanwis? Yu save yusum JW Language app blong lanem wan isi fastok long wan narafala lanwis. O yu save yusum mobaelfon blong yu blong soem long wan man olsem wanem hem i save faenem moa save long jw.org long prapa lanwis blong hem

  • Luklukgud. Sipos yu stap wokbaot blong go prij long ol haos wanwan, yu no mas mestem janis blong prij long ol man we yu bitim olgeta long rod, o olgeta we oli stap wet insaed long trak. Sipos yu prij long troli, yu no mas letem narafala samting i pulum yu, be yu traehad oltaem blong givim witnes

  • Traem kasem evriwan. Yu mas traem blong kasem ol man we oli no stap long haos. Sipos i nogat man long haos, maet yu save pas long wan narafala taem long sem dei o wan narafala dei blong sem wik. I gat sam man we yumi save kasem olgeta tru long leta, mobaelfon, o taem yumi prij long troli

  • Gobak bakegen. Yu mas kwik blong gobak luk man we i intres. Sipos man ya i toktok wan narafala lanwis, traem lukaot wan pablisa we i save lanwis blong hem, blong i givhan long hem. Yu mas gohed blong go luk man ya kasem taem we pablisa we i toktok lanwis blong hem i go visitim hem.—od pej 94 haf 39-40

WAJEM VIDEO YA PRIJ LONG “OLGETA PLES LONG WOL” MO BIAEN YU ANSA LONG OL KWESTIN YA:

  • ?Ol brata mo sista ya oli rere olsem wanem blong go prij long ol teritori we i longwe? (1Ko 9:22, 23)

  • ?Wanem sam traem we oli mas winim?

  • ?Wanem ol blesing we oli kasem?

  • ?Yu save mekem wanem blong kasem moa man long ol teritori blong yu?