Go long ol haf insaed long hem

!Oli Ridim JW.ORG Long Bitim 300 Lanwis!

!Oli Ridim JW.ORG Long Bitim 300 Lanwis!

Sipos yu go long list blong ol lanwis insaed long pej ia, bai yu luk wan list blong bitim 300 lanwis—!hemia wan samting we maet yu no luk long ol narafala websaet!

?Olsem wanem sipos yumi skelem namba ia wetem ol narafala websaet we man i save gud? Yu traem tingbaot: Long Julae 2013, websaet blong Yunaetet Neson i stap long 6 lanwis. Europa, websaet blong European Union, i stap long 24 lanwis, Google long 71 lanwis, mo Wikipedia long 287 lanwis.

I tekem plante taem blong transletem wan websaet i go long bitim 300 lanwis. Bighaf blong wok ia, plante handred Witnes blong Jeova long fulwol oli mekem blong presem Jeova. Oli wok folem wan gudfala plan, mo tu oli yusum save we oli gat blong tanem ol tok long inglis i go long lanwis blong olgeta.

Long JW.ORG i gat plante pej we oli tanem long bitim 300 lanwis, taswe total namba blong ol pej long websaet ya i bitim 200,000!

JW.ORG i no wan websaet we i kamaot long ol defdefren lanwis nomo, be hem i wan websaet we plante man oli stap go long hem. Folem ripot blong Alexa, wan kampani we i stap stadi gud long ol websaet long fulwol, oli faenemaot se long haf ya “Jos no ol tijing blong jos” i gat wan list blong samwe 87,000 websaet, hemia i minim tu websaet blong ol bigbigfala skul, ol kampani we oli printim ol buk we oli tokbaot Baebol mo sam narafala ogenaesesen bakegen. Long Julae  2013, jw.org i kam seken long list ia! Faswan long list, hemia wan bisnes websaet we man i save kasem ol defren translesen blong Baebol.

Stat long Oktoba 2013, evridei i gat bitim 890,000 man we oli stap go long jw.org. Bambae mifala i gohed blong givimaot ol save blong Baebol fri nomo long ol man long evri ples.