Go long ol haf insaed long hem

Filipin—Ol Foto (Jun 2015 Kasem Jun 2016)

Filipin—Ol Foto (Jun 2015 Kasem Jun 2016)

Ol Witnes blong Jehova long Filipin oli wokem gud bakegen branj ofis long Quezon City. Long ol foto ya, yu save luk olsem wanem wok ya i gohed, mo olsem wanem ol volontia oli joen long bigfala wok ya stat long manis Jun 2015 go kasem Jun 2016. Sam manis biaen, ol bilding ya oli rere blong yusum, mo oli dediketem i go long Jehova long Februari 2017.

Rendering of the completed Philippines branch. Buildings and structures that were built or renovated include:

  • Haos 4 (Ol Rum Blong Slip)

  • Haos 5 (Odio/Video Dipatmen, Seves Dipatmen)

  • Haos 6 (Dipatmen We i Lukaot Long Yad, Fiksimap Trak, Joenem Ol Aean)

  • Haos 7 (Kompiuta Dipatmen, LDC, Fiksimap Haos, Sanemaot Ol Buk, Translesen)

15 Jun 2015—Quezon City

Ol brata mo sista oli mekem rere blong putum simen long ples blong wokbaot we i joenem Haos 1, 5, mo 7.

15 Jun 2015—Haos 5

Ol kapenta oli luk ol plan we RDC (Rijonal Disaen Konstraksen) Esia/Pasifik i rerem, bifo we oli stat blong wokem ol haos. Long Maj 2016, RDC i aot long Ostrelia i muv i go long branj ofis blong Filipin.

23 Jun 2015—Quezon City

Wan bigfala trakta i smasem ol olfala simen, blong oli save digim hol mo berem ol wota paep blong ekondisen.

20 Julae 2015—Quezon City

Wan brata mo waef blong hem we tufala i blong Yunaeted Stet, tufala i rere blong joenem ol rel blong ples blong wokbaot.

20 Julae 2015—Quezon City

Ol wokman oli berem ol paep blong wota long medel blong Haos 4 mo 5.

18 Septemba 2015—Haos 5

Wan kapenta i stap wokem frem blong windo.

18 Septemba 2015—Haos 5

Wan sista i putum tapi long floa. Blong daonem noes, oli kavremap floa fulwan long namba tu stori blong Haos 5, we Odio/Video Dipatmen i stap long hem.

22 Oktoba 2015—Haos 5

Oli pentem afsaed blong haos we ol ofis oli stap long hem, wetem wan spesel pen we i blokem hot blong san, mekem se i kolkol insaed mo oli sevem paoa from we oli no nid blong yusum ekondisen tumas.

10 Februari 2016—Haos 4

Wan brata i tekemaot frem blong fenis we oli wokem long simen. Haos 4 we i gat tu stori, hem i ples we ol studen blong ol defdefren Baebol skul oli stap long hem.

10 Februari 2016—Haos 4

Wan wokman long tim we i lukaot long ol fan mo ekonidisen i stap kavremap ol paep blong wota, blong mekem se oli holemtaet kolkol, mo i no gat ol drop blong wota we oli fas long ol paep ya.

16 Februari 2016—Haos 4

Wan brata blong Ostrelia we i save gud wok blong lektrik, i jekem ol swij long wan bokis blong lektrik. Oli bin singaot bitim 100 brata mo sista blong ol narafala kantri, we oli gat gudhan long wok blong olgeta, blong oli kam joen long wok ya long Filipin.