Go long ol haf insaed long hem

Briten Foto Galeri 2 (Septemba 2015 Kasem Ogis 2016)

Briten Foto Galeri 2 (Septemba 2015 Kasem Ogis 2016)

Ol Witnes Blong Jehova long Briten oli muvumaot branj ofis blong olgeta long Mill Hill, London, blong go long wan ples we i stap samwe 70 kilometa long saed i go long is. Hemia klosap long Chelmsford, long provins blong Essex. Long foto galeri ya, bambae yumi luk wok we oli mekem long niufala branj ofis ya, hemia long Septemba 2015 kasem Ogis 2016.

29 Oktoba 2015—Men sapot saet

Ol wokman oli kafsaedem simen long fored long wan garaj we bambae oli putum ol masin blong konstraksen long hem.

9 Disemba 2015—Men sapot saet

Ol wokman oli stap putum ruf long bilding we bambae i gat ol ofis mo ples blong kakae insaed long hem, blong yusum long taem blong konstraksen.

18 Jenuware 2016—Men sapot saet

Long men entrens, wan wokman i yusum wan trakta we i gat han olsem sisis, blong karemaot ol tri we oli makem finis. Han blong trakta ya i holem tri, i katem stamba blong hem, mo i putum i go long saed. From we oli katemaot ol tri ya, bambae oli planem plante taosen niufala tri bakegen bifo we projek ya i finis.

31 Maj 2016—Ples blong bildim branj ofis

Ol wokman oli karemaot ol doti we man we i bin laef long ples ya bifo, i no bin tekemaot. Biaen oli klinim graon ya mo yusum bakegen.

14 Eprel 2016—Ples blong bildim branj ofis

Ol wokman oli yusum wan masin blong leftemap ol rum we bambae oli yusum olsem ol ofis long taem blong konstraksen, mo putum long stret ples blong olgeta. Ol wokman we oli wok fultaem, mo olgeta we oli kam blong givhan, bambae oli yusum ol rum ya.

5 Mei 2016—Ples blong bildim branj ofis

Ol wokman oli seraotem ol doti mo putum long stret ples blong olgeta. Komiti Blong Konstraksen i wantem tekemaot 95 pesen blong ol doti long graon, be oli mekem moa long hemia. Mo 89 pesen blong ol samting olsem brikis, simen, mo timba we oli tekemaot, oli yusum bakegen long ol nara eria blong konstraksen ya.

23 Mei 2016—Men sapot saet

Wan wokman i stap berem wan hol. Long ol hol ya i gat ol paep blong wota mo lektrik, blong go long ol haos we ol man blong wok bambae oli stap long olgeta.

26 Mei 2016—Ples blong bildim branj ofis

Wan man i stap jekem graon, blong luk sipos i stret blong wokem ol rod wetem graon ya.

31 Mei 2016—Plan blong branj ofis

Long 31 Mei 2016, Hed Kampani blong ol Witnes Blong Jehova i agri long disaen ya, mo ol ofis blong gavman tu oli givim raet blong wok, nao konstraksen i rere blong stat.

16 Jun 2016—Ples blong bildim branj ofis

Ol wokman oli tekemaot ol doti long graon, mo oli yusum graon ya long narafala ples. Hemia i mekem se, oli no nid blong pem wan man blong kam tekemaot graon ya, mo blong pem niufala graon blong tekem ples blong hem.

20 Jun 2016—Ples blong bildim branj ofis

Ol wokman oli kliarem ples blong wokem rod blong kam insaed. Wok i gohed nating se i gat bigfala ren blong wan manis we i mekem se ples i sofmad.

18 Julae 2016—Men sapot saet

Oli spre long rod wetem wota blong i no gat tumas das. Konstraksen Projek Komiti i agri blong folem ol rul blong wan oganaesesen we nem blong hem Considerate Constructors Scheme, blong mekem se ples blong wok i stap klin oltaem. Ol rul ya oli laenap wetem samting we Baebol i talem, blong soemaot respek long komuniti, mo tingbaot ol narafala.

18 Julae 2016—Men sapot saet

Wan sista i stap katem ol aean we bambae oli hangem ol trei long hem blong putum ol paep blong ekondisen.

22 Julae 2016—Ples blong bildim branj ofis

Ol wokman oli tekemaot ol doti long 20,000 kiubik meta blong graon. Olsem we pija i soem, oli stap putum graon i go long wan masin, we i stap sevem graon blong tekemaot ol bigfala ston mo ol smol ston, nao gudfala graon i foldaon i go aninit. Masin ya i gat tri longfala han we i tekem graon mo ol ston oli go long ol defdefren kameong.

22 Julae 2016—Ples blong bildim branj ofis

Ol wokman oli stap levelem graon blong mekem i stret long plan blong ol bilding.

18 Ogis 2016—Ples blong bildim branj ofis

Long lefsaed blong foto ya, ol wokman oli stap finisim wok blong levelem graon blong stanemap fandesen blong ol haos. Mo i go moa long lefsaed, ples i rere blong oli wokem bigfala haos we bambae i naf blong 118 wokman i slip long hem.