Go long ol haf insaed long hem

Ol Witnes Blong Jehova Oli Tijim Ol Papa Mama Mo Pikinini, Blong Oli Blokem Ol Rabis Man We Oli Wantem Mekem Seks Wetem Olgeta

Ol Witnes Blong Jehova Oli Tijim Ol Papa Mama Mo Pikinini, Blong Oli Blokem Ol Rabis Man We Oli Wantem Mekem Seks Wetem Olgeta

Baebol i tijim ol papa mo mama blong oli lavem ol pikinini blong olgeta, oli protektem olgeta, oli lidim olgeta, mo oli mas Luk ol pikinini ya olsem ol presen we God i givim. (Ol Sam 127:3; Ol Proveb 1:8; Efesas 6:1-4) Wan bigfala denja we ol papa mama oli mas protektem ol pikinini blong olgeta from, hemia fasin blong mekem nogud wetem ol pikinini.

Plante yia finis ol Witnes blong Jehova oli wokem mo seremaot plante buk we oli pulum ol famle blong oli joen gud. Oli wokem sam haf insaed long ol buk ya, we i givhan long ol papa mama blong oli protektem ol pikinini blong olgeta long ol man we oli stap mekem seks wetem ol pikinini. Mo ol haf ya i givhan long olgeta blong oli tijim ol pikinini blong oli luksave ol man we oli wantem mekem rabis fasin ya. Long lis ya daon, yu save luk sam haf insaed long ol buk we ol Witnes blong Jehova oli wokem, we oli givim sam stret advaes we oli save folem taem trabol olsem i kamaot. I gud yu makem namba blong kopi mo lanwis we ol haf ya oli kamaot long hem. *

  • Taetel: Man We i Mekem Seks Wetem Stret Famle Blong Hem—Wan Trabol We i Haed

    • Buk: Wekap! blong 8 Februari 1981

    • Kopi: 7,800,000

    • Lanwis: 34

  • Taetel: Givhan Long Olgeta We Stret Famle Blong Olgeta i Repem Olgeta

    • Buk: Wajtaoa blong 1 Oktoba 1983

    • Kopi: 10,050,000

    • Lanwis: 102

  • Taetel: Evri Mama Oli Fraet Se Narafala i Tajem Nogud Pikinini Blong Olgeta; ‘?Hu i Save Tajem Nogud Wan Pikinini?’; Yu Save Protektem Pikinini Blong Yu

    • Buk: Wekap! blong 22 Jenuware 1985

    • Kopi: 9,800,000

    • Lanwis: 54

  • Taetel: Pikinini We Man i Repem Hem; Wan Kil We Narafala i No Save Luk

    • Buk: Wekap! blong 8 Oktoba 1991

    • Kopi: 12,980,000

    • Lanwis: 64

  • Taetel: !Pikinini Blong Yu i Stap Long Denja!; ?Olsem Wanem Yumi Save Protektem Pikinini Blong Yumi?; Sam Samting We Yumi Save Mekem Long Haos

    • Buk: Wekap! blong 8 Oktoba 1993

    • Kopi: 13,240,000

    • Lanwis: 67

  • Taetel: Protektem Ol Pikinini Blong Yu

    • Buk: Pablik Seves Mesej Video Namba 4 we oli wokem long 2002

    • Lanwis: 2

  • Taetel: ?Olsem Wanem Oli Protektem Jisas?

    • Buk: Japta 32 blong buk ya Learn From the Great Teacher, we i kamaot long 2003

    • Kopi: 39,746,022

    • Lanwis: 141

  • Taetel: Wan Denja We Evri Papa Mama Oli Mas Save Long Hem; ?Olsem Wanem Blong Protektem Pikinini Blong Yu?; Yu Mekem Pikinini i Harem Se Famle Blong Hem i Wan Sefples

    • Buk: Wekap! blong Oktoba 2007

    • Kopi: 34,267,000

    • Lanwis: 81

  • Taetel: ?Mi Mas Mekem Wanem Blong Protektem Mi Long Ol Rabis Man We Oli Stap Spolem Ol Pikinini?; Kwestin We Papa Mama i Save Askem: ?Mi Mas Tokbaot Seks Long Pikinini Blong Mi?

    • Buk: Japta 32 mo apendiks blong buk ya Questions Young People Ask—Answers That Work, Volume 1, we i kamaot long 2011

    • Kopi: 18,381,635

    • Lanwis: 65

  • Taetel: ?Papa Mama i Save Mekem Wanem Blong Tijim Pikinini Blong Olgeta Long Saed Blong Seks?

    • Buk: Websaet ya jw.org; wan haf we i kamaot long 5 Septemba 2013

    • Lanwis: 64

Ol Witnes blong Jehova bambae oli gohed blong tijim ol papa mama mo ol pikinini, blong oli save blokem ol trabol we i save kamaot from ol rabis man ya we oli wantem spolem ol pikinini.

^ par. 3 Ol det mo yia oli blong ol Inglis magasin nomo.