Go long ol haf insaed long hem

Ol Miting Blong Ol Witnes Blong Jehova

?Yu wantem save ol miting blong mifala se oli olsem wanem? Yu save faenem stret ples mo taem blong ol miting blong mifala.

Koronavaeras (COVID-19) Alet: Long plante eria, mifala i no moa mit tugeta long ol Haos Kingdom blong mifala o long ol bigfala grup, blong mekem miting. Plis kontaktem wan Witnes Blong Jehova, blong save moa long saed ya. Long saed blong spesel Baebol tok ya “?Yu Save Trastem Rul Blong Hu?,” bambae mifala i postem wan video we yu save daonlodem, o luk long Intenet, sipos yu no naf blong go harem tok ya long miting.

Faenem Miting Kolosap Long Yu (opens new window)

?Ol Miting Blong Mifala Oli Olsem Wanem?

Ol Witnes blong Jehova oli stap gat ol miting blong wosip tu taem long evri wik. (Hibrus 10:24, 25) Ol miting ya oli open long eni man blong kam. Long ol miting ya, mifala i stadi long ol tok blong Baebol mo lukluk olsem wanem mifala i save mekem ol tijing blong hem i wok long laef blong mifala.

Long ol miting ya, plante taem mifala i gat ol kwestin mo ansa, i olsem insaed long wan klasrum. Ol miting oli stat mo finis wetem wan singsing mo prea.

Yu save kam long ol miting blong mifala, nating se yu no wan Witnes blong Jehova. Mifala i stap invaetem evriwan blong oli kam joen. Yu no pem blong go insaed. Mo i neva gat kleksen.