Go long ol haf insaed long hem

?Wanem Ya Wan Baebol Stadi?

?Wanem Ya Wan Baebol Stadi?

Ol Witnes blong Jehova oli mekem Baebol stadi wetem ol man we oli wantem save ansa blong ol kwestin olsem:

  • ?God hem i hu?

  • ?God i rili kea long mi?

  • ?Mi save mekem mared blong mi i kam strong olsem wanem?

  • ?Mi mi save glad long laef olsem wanem?

Long ol haf aninit, yu save faenem ansa blong ol kwestin ya we plante man oli askem, long saed blong ol Baebol stadi we mifala i stap mekem.

?Yufala i mekem ol Baebol stadi olsem wanem? Mifala i jusum wan tok olsem “God” no “mared”, mo mifala i jekem ol defdefren vas blong Baebol we oli laenap wetem save ya. Taem mifala i skelem ol vas blong Baebol wetem save ya, mifala i luksave samting we Baebol i talem long saed blong save ya, ale long fasin ya, mifala i letem we Baebol i eksplenem hem wan.

Mifala i yusum buk ya, ?Wanem Samting We Baebol i Rili Tijim? blong stadi Baebol wetem ol man. Buk ya i givim sam moa save olsem, wanem we Baebol i talem long saed blong God, Jisas, mo fiuja blong yumi.

?Man i mas pem hamas, blong hem i save gat wan Baebol stadi? Stadi ya i fri nomo mo man i no nid blong pem ol buk we bambae hem i yusum blong stadi.

?I tekem hamas aoa blong stadi Baebol? Plante man oli save stadi wetem mifala blong 1 aoa evri wik. Samtaem mifala i stadi longtaem, mo samtaem mifala i tekem smol taem nomo. Be mifala i save jenisim taem blong mifala blong i stret long taem blong yu.

?Wanem bambae i hapen sipos mi askem wan Baebol stadi? Taem yu askem wan Baebol stadi, bambae wan Witnes blong Jehova i kam luk yu long wan taem we i stret long yu mo long ples we i stret long yu tu. Bambae Witnes ya i tekem smoltaem blong tokbaot long yu olsem wanem blong mekem stadi. Ale, sipos yu laekem, yu save gohed long stadi blong yu.

?Sipos mi stadi Baebol, mi mas kam wan Witnes blong Jehova? Nogat. Ol Witnes blong Jehova oli glad blong tijim Baebol long ol man, be mifala i neva fosem wan man blong i kam wan Witnes. Defren olgeta, wetem respek, mifala i tokbaot wanem we Baebol i talem. Mifala i save se wanwan man i gat raet blong jusum samting we hem i wantem bilif long hem.—1 Pita 3:15.