Go long ol haf insaed long hem

?Ol Witnes Blong Jehova Oli Ol Saeonis?

?Ol Witnes Blong Jehova Oli Ol Saeonis?

Nogat. Olgeta Witnes blong Jehova oli Kristin. Mifala i bilif long samting we Baebol i talem. Samfala skul oli tijim se olgeta man Jiu bambae oli kam wanples long Palestaen, olsem we profet tok blong Baebol i talem. Be ol Witnes blong Jehova oli no bilif olsem. Olgeta oli save se tingting ya i joen wetem politik nomo, mo hem i no wan samting we Baebol i tokbaot. Baebol i no leftemap eni gavman blong man, mo hem i no talem se ol man blong wan laen no kantri, oli gud moa i bitim ol man blong narafala laen no kantri. Wajtaoa i wan magasin we ol Witnes blong Jehova oli wokem, mo magasin ya i talem klia se: “Baebol i no sapotem Saeonis.”

The Encyclopædia Britannica, i talem se Saeonis hem i rod we ol man Jiu oli folem blong tekem kantri blong Palestaen i blong olgeta. Saeonis hem i joen wetem skul mo politik. Ol Witnes blong Jehova oli no sapotem Saeonis, mo fasin blong hem blong joen long politik.

Ogenaesesen blong ol Witnes blong Jehova i wok long wan fasin we i klin mo i stret, mo i no joen wetem eni wok blong politik mo i no sapotem Saeonis. Plante man oli save we ol Witnes blong Jehova oli no joen long politik. Mo long sam kantri ol man oli mekem i strong long mifala from we mifala i no joen long politik. Mifala i bilif se Kingdom blong God long heven nomo, i save putum pis long wol. I no gat wan narafala gavman long wol we i save mekem samting ya.

Nomata se ol Witnes blong Jehova oli stap long defdefren ples, be bigfala tingting blong olgeta hemia blong obei long ol loa blong gavman. Oli no rebel agensem gavman mo oli no joen long faet.